Lut 1:16 - Godope Awananapa Gilala

¹⁶ Lut ameta a:negelayana, a: ege na: usina:mu ne a: elatelamalale o a:dile wama saola gima. E miya wama welamalelona, na: a:da welamalowa. E miya wala elamalelona, na: a:da elamalowa. A:dowali luma enoba na:pe luma edelamadili, a:pite a:dowali God enoba na:dowali God elamalelo.

Lut 1:16 Iomraidhean Croise

Osey 13:4

Ameta na: enoba da:dowali LOD God, ne da: Isipt wa gobale wama alete saoyamana, da: eta God gi pa:pa itawa eda:madelewa, da: ameta na: menagi itawa eda:madelewa. A:pite eta galabe pawada:mida:napa pa:pa tilamadelewa, ameta na: menagi.

Sekal 8:23

Ma:ma enoba LOD Kamalinapate lalelona gilala. Enoba kadepala 10 dala gilala opa:pa:yana baigabaiga gobale menagi Yudanapa dalagipe kaliko ya:de gwalite oba anamadili, saga a:da na:da:, gi ase Godote a:da elelona gi sa: a enamada:mena.

Lut 1:15

Enobala Naomite Lutidima a:negelayana, A:dowali ya:denapa a welewe obape lumata: idadalita: dima. A: obada we a:pe baiga ya:bima.

Lut 1:17

A: miya wala kaolamalelona na: a:mala kaolamalowa, a:ma sabama na: a:ima mina:madili. Awapa LODope sosawenapa ga:o gitena: dima pa:lamalelo, ne eta gi a:na:minamalowamena tepala, a:meta kaola gi menagite a:ta: na:ta: sa: baminamalelo.

Lut 2:6

A:ma dalagi amale a:negelayana, ya:ma atakabi susa:gi, Naomite Mowa:b wale wete elelote a:pite gwama pa:loyana tepala obada pa:yana susa:gi.

Lut 4:15

Gwama a:pe apilate a: awe iwalelale iwaleladele kabiginapa gi a a:na:miwina a: dima, a:na:pi 7 segete a: dima a:na:da:minamadilina gi kowabisege, gwama obate amapula a: dima a:iwa a atawena, obate a: dima kanika:napa kanika:wa atamalelo a:pite a:pe kabeyagi tepala a: sa:lele tilamalelo.