Auba 1:18 - Godope Awananapa Gilala

¹⁸ Ya:ikobape lumata: Yausepepe lumata: obai ila a:na:pi edelamadili, obaite Isope luma sosaweda:minamadili ilate kakapa oloda:malelona gi a:na:pi, Isope lumagi eta menagite pa:pa kanika:wamalelo. Ma:ma gi elamalelo gi ase na: enoba LODote ma:ma gilala lalelowa.

Auba 1:18 Iomraidhean Croise

Yowel 2:5

Giwa:la gawa a:na:pi siyada pa:dili obai podo sidila sikasikale pa:dili, kakapa oloda:lona ila babalela siya a:na:pi, kakamalina giwa:lana a:na:pi, baiga egelama litatili.

A:imo 1:8

Na: A:sadod wanapa kanaba lapolamalowa, a:pite A:skalon wala kamalinapa gabi egelaminanona dalagi lapolamalowa. Na: na:dowali kamalinapa mai Ekolon dima gigiminamalowa, Pilisitiya luma waelabega etate pa:pa kanika:wamalelo, Sidinapa LODote lalelo.

A:imo 5:15

Sosawe gi ilapala edela, sa:sa:lena gi iwida:mina, gi bamina sabale sogolale gi bamina gi pakamina. Da: a:pidelamadelewamena LOD God Kamalinapate kabiginapa awe iwalela gile Yosepepe eta:mi luma awedolamaleloga.

A:imo 6:6

Da: kabuwa waen tawatawana nideletedelewa a:pite sa:sa:le bapina ipowada:na lopala kakama suguda:mitedelewa, ameta da: Yosepete sosawe elelona gima pa:pa gwanasaweda: edelewa.

Auba 1:16

A: Sayon sakala na:dowali lumate na:dowali ga:o wi nidiliyana enoba na:pe awana sakala a:na:pile baigabaiga wa kabigibega, na:pe ga:o wi nidelamadili. Obai kabigibegale nidelete pa:pa edelamadili.

Maik 5:8

Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

Nayu 1:10

Tokobe olate obai papada:minamadili. Sika nidelete daledale edelina luma a:na:pi obai daledale edeli, ilate tila oloda:lona gi a:na:pi obai binida:minamadili.

Sekal 12:6

Ya:ma kadepala na: Yuda wana kabigida:na dala ila tilimina gobama toda:napa olololona sosopane a:na:pi minamalowa, gwama teya papamina gobanapa ila awa a:na:pi. A:na:pile obaite ya:deta: ya:deta:la edelina luma dapolale dapolamadili, ameta Yelusalem obape sabale sa:lele elamalelo.

Malak 4:1

LOD Kamalinapate lalelo, sosawe gi a:na:da:mida:na lumata: gwama na: awagana:na lumata: da:dima kadepa pulamalelo obaite kakapa ilate oloda:lona a:na:pi eda:madili. A:ma kadepala da: ila gobala binida:madelewa a:pite da:pe eta palate pa:pa dololamalelo.