Auba 1:15 - Godope Awananapa Gilala

¹⁵ LODope kadepate a auwapula elelo, baigabaiga waelabega obaimunu gi babamuda:monamalale. Idom a: powa gi a: a a:na:miyanaya, oba enoba gi a: dima a:na:minamalelo. A: e na:sa:da:miyana gi a: gwama alolamalelo.

Auba 1:15 Iomraidhean Croise

Esta 9:25

Estate a:ma gilala kanaba dalagi anayana tepala, obate gilala a:na:da:mienetediliyana luma danaya, obaite letama a:na:da:minete, Amanate Yu luma dapolama apilelona gi ameta isola:mite obata: obape segeta:dima saowela amale tao tipi da:minamadili.

Yowel 1:15

Ya:ma kadepa malemabega. Gi ase LODope kadepa a auwapula elelo, enoba kadepala galabete Kamalinapadila pa:lamalelo.

Yowel 2:1

Tutuli iwidela, Sayon baiga gobala, na:dowali awana sakala siya pakamina. Wa gobala edelina luma da: sasiwadela, gi ase LODope kadepa a pa:lelo, a:ma kadepa a auwapula elelo,

Yowel 2:11

LODote kadepa siya a:na:pi gigilalo, obape giwa:lanapimunu lopa palala, obape giwa:lana gagasida: domona pa: awapa, a:pite obape kakami gilala enamada:te gima kamidilina giwa:lana kakamalibeyagai. LODope kadepa enoba kamlibega, a:pite emosa:mida:bega, a:ma gobala powate kanika:wamaleloya.

A:imo 5:18

Awe iyo da: LODope kadepate saolamalale enamadelewamena luma. Da: powa gi ase LODope kadepama enamadelewaya. A:ma kadepate iti kanabi elamalelo, pa: lulila.

A:imo 5:20

LOD ope kadepate itilamalelo pa:pa lulilamalelo, iti kanabi bapi elamalelo eta lulila kowabi pa:pa dololamalelo.

Maik 5:15

Na: ilabegale ga:oladele da:dima da:pe sosawe gi wisa dapulamalowa. Enoba na:pe gilalama pa:pa gima kamideyamana lumadima.

A:bak 2:8

Gi ase a: baigabaiga waelabegaimunu lopala ilile aleloyana, enobala baigana luma eta:mite a:dowali lopala alelamadili. Ase a: lumumunu dede a sasamunoyana, a: lumumunu a:ita: kabigida:na baigata: gwama a:mai gobana luma waelabegata: a sosaweda:munoyana.