A:imo 9:10 - Godope Awananapa Gilala

¹⁰ Na:pe luma gobala sosawe a:na:da:mida:na lumate giwa:la gilile kaokolamadili, enoba ma:ma gilala latedilina luma, Galabete sa: pa:pa atisa:malelo.

A:imo 9:10 Iomraidhean Croise

A:imo 6:1

Sayonola awapale edelage latedilina luma da: kakabeya, a:pite Samaliya podola galabe bini a: edelina luma da: kakabeya, da: eta:mi wana kabigida:na dala, da: enobai luma Islaelana lumate da:dima pa:da:tedelamadili.

A:imo 6:3

Da: ya:ma sosawenapa kadepa wama mila a:pite sosawenapa kanaba auwama gwalite pa:da:la.

A:imo 9:8

Gibapile Sidinapa LODope tao sosawe bapina baigama dololo. Na: oba talaminamalowa ma:ma a:ibaigala, ameta na: Ya:ikobipe noneya pa:pa talaminale talaminamalowa, LODote lalelo.

Maik 3:11

Obape gaganabinate wisama gi babamina gi a:na:da:minini, obape guwali dalate wisa gima wala gilala ladili, obape pa: saoda:na gi lope ladeletedilina dalate pa: saoda:na gite saoda: gima lope ladeliyana, kipale gosa alelamada:le. A:ma gi gobale obai LODope gagile gilala gwalemini. LOD sa:da elelota. Sa:dima eta galabe gite pa:pa pa:lamalelo.

Sekal 1:6

Ameta na: na:dowali gi saolana wala gilala lada:na dalale gilalata: babalata: gwalemonoyamana, ameta obai gwana kalekalebeyagai ediyana a:pite alikikimina itawa ediyana. A:ma gile obaite gi iwalela opa:yada:mite a:nege laiyana, LOD Kamalinapate sa:dima a a:na:miwina, sa:dowali a:na:da:mina gita: sosawena gita: obaite iwda:mininina gida awapale. Gi ase ya:ma enoba obape iwimina gi.

Malak 3:15

Enobala amapulale gi a tila:mena a:na:pi potada:mina kabigida:na lumate sa:keladili, ameta pa: sogoda:na gi a:na:da:mininina lumate ya:biya:bida:na edeli. Ameta obaite God teteda:te tilite amale emoda:tedili.

Malak 4:1

LOD Kamalinapate lalelo, sosawe gi a:na:da:mida:na lumata: gwama na: awagana:na lumata: da:dima kadepa pulamalelo obaite kakapa ilate oloda:lona a:na:pi eda:madili. A:ma kadepala da: ila gobala binida:madelewa a:pite da:pe eta palate pa:pa dololamalelo.