A:imo 8:5 - Godope Awananapa Gilala

⁵ de latedelewa, samoso kanika:napa poko gi powa tepala a:yata saolamaleloya se sa:dowali totoda:minimana kon ewadelamada:le, a:pite Sabadi kadepa awana gi powa tepala a:yatamaleloya se ewa sasabale kon ewadelamada:le, a:pite nana ulama kowabi ameta wisa sidila ewadelamada:le a:pite sewatana awapamina lopalale wisa alilamadili,

A:imo 8:5 Iomraidhean Croise

Osey 12:7

Lopala ewadolona lumagite sewatanapa awapaminale luma gasuda:mineno, obate ilile lopala alela gi begale iwaleda:lo.

Osey 12:8

Ipala:imite obaya oba awaga gile lalelo. Na: ya:biya:bi kabigibeyagai, na: lopala waelanapa lumagi eyamana. Na:dowali lopala waelabeyagai gobala eta, pa: awapanapa gita: sosawe gita: pa:pa tida:madili.

Sekal 5:6

Na: amale a:nege layamana, ya:ma powa lopalaya. Oba amale wisa eyana. Ya:ma mene awapamina ka:isa. A:pite oba gwama a:negelayana, ma:ma enoba wa gobala edelina lumumunu sosawe gi.

Sekal 5:8

Oba amale layana, ma:ma enoba sosawe gi. A:pite oba a:ma susa:gi gwama ka:isa gobama usumite auli ede gwama kamiyana.

Malak 1:13

Da: na:dile wama esa:da:dele latedelewa, sa: gamobega edela: LOD Kamalinapa balelaminena:mena. De ilile aleleyamana anekekeyapota: gwama a:i sauda:nata: gwama gite tila gida:nata: da:na: dima napinenewa ne awapage lalamalale.