A:imo 8:3 - Godope Awananapa Gilala

³ LOD Godote lalelo, na: enoba Sidinapa LODote lalelowa, a:ma kadepala balelamina genamana dilite sabe dilima leleda:madili. Lumumunu kaokoda:na obebe waelabeyagaite wa kabigibegale dowatelamadili. Iwiya awana.

A:imo 8:3 Iomraidhean Croise

Yowel 1:11

Egada apeyana dala da: madakaela edela, tokobe adami apeyana dala da: sabedela, witita: balita: gima gwanasaweda: edela, gi ase egada gobana nana ulama a sosawe bapi ediwina.

Yowel 1:13

Guwali dala, da: esesawalida:na kakana lopala kakamite sabedela, awana nagala lopala apiletedilina ba:kele genama okona dala da: gwanasaweda: edela. Pa:da:la, ama isala esesawalida:na kakana lopala kakamite tenedela, na:dowali Godope sosoko palala gisaola edelewamena dala, ase kon nagala lopalata: adami wi nagala lopalata: da:dowali Godope genamama alete pa:da: gi a ekediyana.

Yowel 1:5

Sika nida:na luma, da: dowatelewamena sabale saleda:te sabedela. Waen nideletana luma waelabega da: adimadela, da: waen kanika: gima sabedela, gi ase lumate waen kabuwa magatale sela wama alidamiwina.

A:imo 4:10

Ne menemenena gi da:dima auda:miyamana ne Isipt wama auda:miyamana gi a:na:pi. Ne da:dowali apeda: kanika:da:na dala giwa:la gilile dapoloyamana, da:dowali giwa:la gobala aleleyamana osoda. Ne de edeleyamana sabala da:dowali mina daodoba aula:le kakamunoyamana, a:ma gi tiliyamana tepala da:na: dima pa:pa isolada:yamana. LODote lalelo.

A:imo 5:16

Enobala ma:ma enoba LOD God Kamalinapate lalelona gilala. Nabidi tetepala sabe siyate dololamalelo, a:pite mana gegenama sasabale gwanasaweda: gite dowatelamadili. Egada okona awada:minamadili adimada: gima a:pite sabedilina lumate mamale adimadelamadili.

A:imo 5:23

Da:dowali dili siya ela:we bega wama alete na:da:la, na: da:dowali apa siya pa:pa enamamalowa.

A:imo 6:4

Da: sa:sa:lena tene sabala tenedelewa a:pite da:dowali tene sabala sa:lele dowatelewa. Da: a domoda:na sip kokowabi nanelewa a:pite sa:sa:lena ka:o nanalewa.

A:imo 6:5

Da: Da:ibid a:na:pi da:pe ap lopalale siya a:na:minenewa a:pite eta:mi siya lopalale siya pakamitedelewa.

A:imo 6:8

Sidinapa LOD obaya obape gaigile a lawena, LOD God Kamalinapate lalelo. Na: Ya:ikobipe na: awagana: gima ga:olelowa a:pite na: obape tadana baiga tatalada:munamalowa. Na: obape kabinapa baigata: obape lopala waelabegata: eta:mi lumadima dapulamalowa.

A:imo 8:10

Na: a:dowali awanana pokopoko gi ameta lumagite kaowela sasala edelewamena tepama leleda:minamalowa a:pite da:dowali sa:kela dili siya ameta sabema leleda:minamalowa. Na: de esesewalida:na kakana lopala kakamina gima da: auwada:minamalowa a:pite na: da:dowali ganabina tita galada:minamalowa. Ya:ma tepa enoba susa:gite obape pulagi menagite kaowela gwanasaweda:le sabelamlelona tepa minamalowa a:pite a:mape a:yata enoba sokamanapa kadepa elamalelo.

Nayu 3:3

Osole mitatilina giwa:lana dalate obaimunu osole giwa:lama sela na:da: bega edeli. Giwala gili waisota: gili kibilita: kadepate tuda:lo. Obaite luma waelabeyagai dapolili, kaokoda:na luma tilida:mina beyagai ameta obebe domona pa: awapa, lumate enobai obebele a:i gagaminini,

Sepen 1:7

Sidinapa LODope sososko palala nugunale edela, gi ase LODope kadepa a auwapula elelo. LOD a sa:lewena obape luma dapoda:na nagala lopala a:na:pi dapola gima, obate iwida:miyana luma a wida:mida:na eda:wana.