A:imo 8:10 - Godope Awananapa Gilala

¹⁰ Na: a:dowali awanana pokopoko gi ameta lumagite kaowela sasala edelewamena tepama leleda:minamalowa a:pite da:dowali sa:kela dili siya ameta sabema leleda:minamalowa. Na: de esesewalida:na kakana lopala kakamina gima da: auwada:minamalowa a:pite na: da:dowali ganabina tita galada:minamalowa. Ya:ma tepa enoba susa:gite obape pulagi menagite kaowela gwanasaweda:le sabelamlelona tepa minamalowa a:pite a:mape a:yata enoba sokamanapa kadepa elamalelo.

A:imo 8:10 Iomraidhean Croise

Osey 2:11

Na: obape sa:kela tetepa waelabeyagai ekeda:minamalowa, gogo gobana balelada:mina gaogoda:mina gita: obape kanika:da:na samoso gita:, obape sabadi kadepa gita: obape omoniyana tepala gaomina tepata:.

Osey 2:13

Na: ya:mai kadepa gima oba dima wisa atamalowa, enoba Obate ilale oloda:na sa:lele ipowada:na lopala Ba:il ididalidima apuloyana. Obate obaya obama mai mudita: tulikiyapota: kakamiyana, amale oba iwiminetediliyana dala wapikile gwaladamate weleyana, obate ameta na: gi a kobele ena:yana. LOD enoba gi lalelo.

Yowel 1:8

A: esesawalida:na kakana lopala kakamite sabelalona aminagi a:na:pi eyo, gima lada: dalagi kaowela gwanasaweda: elelo.

A:imo 5:21

Na: ga:olelowa, de balelamina gima poko edelewamena gima ilapala eleowa. Na: da:pe gaogoda:mina gi ilapala elelowa.

A:imo 5:23

Da:dowali dili siya ela:we bega wama alete na:da:la, na: da:dowali apa siya pa:pa enamamalowa.

A:imo 8:3

LOD Godote lalelo, na: enoba Sidinapa LODote lalelowa, a:ma kadepala balelamina genamana dilite sabe dilima leleda:madili. Lumumunu kaokoda:na obebe waelabeyagaite wa kabigibegale dowatelamadili. Iwiya awana.

Nayu 1:10

Tokobe olate obai papada:minamadili. Sika nidelete daledale edelina luma a:na:pi obai daledale edeli, ilate tila oloda:lona gi a:na:pi obai binida:minamadili.

Sekal 12:10

A:pite na: Da:ibidipe lumata: Yelusalem baigana lumata: dima awe nagala limota: timo eda: limota: saminamalowa. Obaitena: dima lotobadelamadili, enoba obaite kotomiyana lumagi, a:pite dalagite obape mata menagi sabeminanona gi a:na:pi, obaina: dima sabedelamadili, a:pite lumagite obape mata menagi sabeminamalelona gi a:na:pi obai sabedelamadili.