A:imo 7:17 - Godope Awananapa Gilala

¹⁷ Enobala ma:ma enoba LODote lalelona gilala. A:dowali susa:gite kabinapa baiga gobala kipale gosa gima obape obe ewada:na:napa susa:gi elamalelo, a:pite a:dowali segeta: susukowabita: giwa:la gilile kaokolamadili. A:dowali a:i lumate babaminete opa:ya alela eda:madili, a:pite a:niya:ta: wete God gi pa: itawanapa a:i baigala kaolamalelo. A:pite Islael wa gibapile dibula gima welamalelo, obaite obaimunu ya:bi gwalila wa elatete wabeganapa wama dibula gima na:da:madili.

A:imo 7:17 Iomraidhean Croise

Osey 9:3

Obaite LODope wa gobala pa:pa dowatamidelamadili, Ipala:im obate gwama Isipt wama isola:lete wete a:mala Asiliya wala tatalina baya naonamalelo.

A:imo 6:7

Enobala da: eta a:ibaigama lope dibulama alete na:da:madilina luma gagasila edelewa, da: da:dowali poko gita: a:me eda: gita: binida:madili.

A:imo 7:11

Ma:ma enoba A:imosote lalelona gilala. Yelobowamate giwa:la gilile kaolamalelo, a:pite Islael lumate gibalamale eta:mi wama dibulama na:da:madili, obaimunu wa bapi elatete wa amatana opa:yana wama na:da:madili.

A:imo 8:1

Ma:ma enoba Sidinapa LODote na: ituna:miyana gi, adami ele ka:isa.

A:imo 9:1

Na: LOD tiliyamana ba:kele i genama lopa palale lelaleyala a:pite obate layana. Balelamina genama salo lapoda: genama pakamite litatilina salote gagaga edelamada:le. Luma waelabeyagimunu gaganabima alete kola:madelewa a:pite pa:pa meleda eda:madilina luma ne giwa:la gilile dapolamalowa. Eta lumagi menagite pa:pa wama saolamalelo, pa:pa etate a: wama emolamalelo.

A:imo 9:8

Gibapile Sidinapa LODope tao sosawe bapina baigama dololo. Na: oba talaminamalowa ma:ma a:ibaigala, ameta na: Ya:ikobipe noneya pa:pa talaminale talaminamalowa, LODote lalelo.

Maik 1:16

Da: sabeda:dele da:pe ganabi tita aditila de obaima sa:keladewamena sege, obaiya da:pe ganabi kebele bapi da:minamadili, ase obaite da: gobala wama saoda:te dibulama na:da:madili.

Sekal 14:2

Na: baiga waelabeyagai Yelusalem baigama gaogoda:munamalowa oba dima giwa:la edelamada:le, obai baiga egete, gegenama gobana lopala alelete, a:pite ato waelabega sosawe da:minamadili. Giwa:lanate luma pala dibulama alete na:da:madili, ameta luma pala obai baiga gobale pa:pa wama alete na:da:madili.