A:imo 6:1 - Godope Awananapa Gilala

¹ Sayonola awapale edelage latedilina luma da: kakabeya, a:pite Samaliya podola galabe bini a: edelina luma da: kakabeya, da: eta:mi wana kabigida:na dala, da: enobai luma Islaelana lumate da:dima pa:da:tedelamadili.

A:imo 6:1 Iomraidhean Croise

A:imo 3:2

Na: a: menagi omona:yamana, a:i baigala edelina noneya waelabega gobala, enobala na: a: dima wisa atamalowa a:dowali sosawe gima.

A:imo 3:9

A:sadodope giwa:la gima tadana baigama gwalemo, a:pite Isiptpe tadana baigama. Samaliya sakama saba edala, obape kabiginapa ilapala gi tilelewata oba gobama, a:pite ilapalada:mininina luma tidelewata obape luma gobala.

A:imo 4:1

Ma:ma gilala enamada:la, da: Samaliya wala edelewamena Basan wana ka:o, da: lopala binina luma ilapala da:minete a:pite aitapadilina luma a:ima etoda:mite edelewamena ato, a:pite de da:dowali dala dima latedelewa, sa:dima waen alesamate pa:da:mela sa: dalagile nidelamada:le.

A:imo 5:27

Enobala na: da: Damasekes wala alete eta a:i baigama dibula oko gima auda:minamalowa, LODote lalelo, obape gagi enoba God Kamalinapa.

A:imo 8:14

Samaliya wanapa ididalagida gi mengimite edilina luma, gwama Da:n wanapa god eolage latedilina luma, gwama Beyasiba wanapa god eolage latedilina lumate, nisislete kaokolamadili, obai pa:pa gwama patimada:madili.

A:imo 9:10

Na:pe luma gobala sosawe a:na:da:mida:na lumate giwa:la gilile kaokolamadili, enoba ma:ma gilala latedilina luma, Galabete sa: pa:pa atisa:malelo.

Maik 3:1

Amale na: layamana, da: Ya:ikobope gaganabina gilala enamada:la, da: Islael genama gobala edelewamena. Da: sogolanapa gi bamina gi itawa eda: awapa.

Sepen 1:12

A:ma tepala na: waiki egete Yelusalem baigala luma uluwadolamalowa, a:pite sosawe a:na:da:mina gi kakamalina luma wisa dapulamalowa, obaite iwaleleli, LOD eta gi pa:pa a:na:minamalelo, enoba sa:lenapa gi o sosawenapa gi.