A:imo 5:18 - Godope Awananapa Gilala

¹⁸ Awe iyo da: LODope kadepate saolamalale enamadelewamena luma. Da: powa gi ase LODope kadepama enamadelewaya. A:ma kadepate iti kanabi elamalelo, pa: lulila.

A:imo 5:18 Iomraidhean Croise

Yowel 1:15

Ya:ma kadepa malemabega. Gi ase LODope kadepa a auwapula elelo, enoba kadepala galabete Kamalinapadila pa:lamalelo.

Yowel 2:10

Obaimunu lopa palala a:ibaiga sasiwolo, a:pite sawisaka gagaga elelo, kadepata: samosota: a iti kanabi ediwina, a:pite ibina pa:ipila gi a ekediwina.

Yowel 2:11

LODote kadepa siya a:na:pi gigilalo, obape giwa:lanapimunu lopa palala, obape giwa:lana gagasida: domona pa: awapa, a:pite obape kakami gilala enamada:te gima kamidilina giwa:lana kakamalibeyagai. LODope kadepa enoba kamlibega, a:pite emosa:mida:bega, a:ma gobala powate kanika:wamaleloya.

Yowel 2:31

Kadepa itikanabi elamalelo samosote dede bega elamalelo LODope emosa:mida:napa kadepa pa: saolelona tepala.

Auba 1:15

LODope kadepate a auwapula elelo, baigabaiga waelabega obaimunu gi babamuda:monamalale. Idom a: powa gi a: a a:na:miyanaya, oba enoba gi a: dima a:na:minamalelo. A: e na:sa:da:miyana gi a: gwama alolamalelo.

Malak 4:1

LOD Kamalinapate lalelo, sosawe gi a:na:da:mida:na lumata: gwama na: awagana:na lumata: da:dima kadepa pulamalelo obaite kakapa ilate oloda:lona a:na:pi eda:madili. A:ma kadepala da: ila gobala binida:madelewa a:pite da:pe eta palate pa:pa dololamalelo.