A:imo 5:16 - Godope Awananapa Gilala

¹⁶ Enobala ma:ma enoba LOD God Kamalinapate lalelona gilala. Nabidi tetepala sabe siyate dololamalelo, a:pite mana gegenama sasabale gwanasaweda: gite dowatelamadili. Egada okona awada:minamadili adimada: gima a:pite sabedilina lumate mamale adimadelamadili.

A:imo 5:16 Iomraidhean Croise

Osey 4:3

Ma:ma gima wate sabelelo, A:pite a:ma wala edelamadilina luma matate a:ima pelolamalelo. Wa gobana waita: gwama sidile puwida:midilina puwida:ta: a:pite wi gobana mewata: a kaokolili.

Yowel 1:11

Egada apeyana dala da: madakaela edela, tokobe adami apeyana dala da: sabedela, witita: balita: gima gwanasaweda: edela, gi ase egada gobana nana ulama a sosawe bapi ediwina.

Yowel 1:14

Awanale baya awana gi luma danala, luma Godope awana sabama gaogoda:mina. Wawana dalata:, wa gobala edelina luma waelabega iya:ta: danala. LOD da:dowali Godope genamama awada:mina, a:pite LOD dima adimada: pakamina.

Yowel 1:15

Ya:ma kadepa malemabega. Gi ase LODope kadepa a auwapula elelo, enoba kadepala galabete Kamalinapadila pa:lamalelo.

Yowel 1:8

A: esesawalida:na kakana lopala kakamite sabelalona aminagi a:na:pi eyo, gima lada: dalagi kaowela gwanasaweda: elelo.

A:imo 3:13

Ma:ma gilala enamada:te Ya:ikobipe noneyape a:na:mina gima wala eda:la, Lod enoba gi lalelo LOD Kamalinapa God.

A:imo 5:27

Enobala na: da: Damasekes wala alete eta a:i baigama dibula oko gima auda:minamalowa, LODote lalelo, obape gagi enoba God Kamalinapa.

A:imo 8:10

Na: a:dowali awanana pokopoko gi ameta lumagite kaowela sasala edelewamena tepama leleda:minamalowa a:pite da:dowali sa:kela dili siya ameta sabema leleda:minamalowa. Na: de esesewalida:na kakana lopala kakamina gima da: auwada:minamalowa a:pite na: da:dowali ganabina tita galada:minamalowa. Ya:ma tepa enoba susa:gite obape pulagi menagite kaowela gwanasaweda:le sabelamlelona tepa minamalowa a:pite a:mape a:yata enoba sokamanapa kadepa elamalelo.

A:imo 8:3

LOD Godote lalelo, na: enoba Sidinapa LODote lalelowa, a:ma kadepala balelamina genamana dilite sabe dilima leleda:madili. Lumumunu kaokoda:na obebe waelabeyagaite wa kabigibegale dowatelamadili. Iwiya awana.

Maik 1:8

Ma:ma asema na: adimada:dele sabelamalowa, na: a:i lopala bini abadu wamunamalowa. Na: wa soka: a:na:pi audolamalowa, a:pite obo puwida: a:na:pi giladolamalowa.

Maik 2:4

A:ma kadepala lumate a: ilapala minamadili, obaite a: iyaminadele ma:ma sabe dili a: dima gwaledelamadili. Sa: a sosawe bapi eda:mena, na:pe lumumunu lopala a tepama ka:ka:miniwina. Obate na:dile egewena obate sa:dowali a:i eta:mi atakabina lumadima dapulowena.