A:imo 5:12 - Godope Awananapa Gilala

¹² Gi ase na: a:dowali sosawe gi waelabeyagi itawa, a:pite a:dowali kabigida:na sosawe gi iya:ta:. A: sogolale edelina lumadima giwa:la eladele ameta pa: sogola nabidile gi alelalo, a:pite da: gi bamina sabale aitapadilina lumate sogolale gi bamina gima obai ilapala da:minenewa.

A:imo 5:12 Iomraidhean Croise

Osey 5:3

Na: Ipala:imipe gi waelabega itawa bapi, Islael na:dile pa:pa a:wate elelo Ipala:im, a: a a:ya a: ewada: gima esa:wena Islael a: a sosawe bapi ewena.

A:imo 2:16

Kakamali bapina giwa:lana dala iya:ta:, a:ma kadepala abadu emoda:te gugula:madili, LODote lalelo.

A:imo 2:3

Ne obape wa iwa:lanapa lapolamalowa, a:pite obape okona dala obada dapolamalowa, LODote lalelo.

A:imo 5:10

a: gi bamina sabale sogolale gi babaminanona lumagidima mene elelo a:pite gibalama gi ladolona lumagidima ilapala elelo.

A:imo 5:7

A: sogolale gi bamina gi ameta sokamanapa gima leleminanona lumagi a:pite sogola gi ameta a:ima etominanona lumagi.

A:imo 8:4

Aitapadilina luma a:ima etoda:minenewamena luma da: ma:ma gilala enamada:la, a:pite ma:ma wa gobala aitapadilina luma ilapala da:minenewamena luma,

Maik 3:11

Obape gaganabinate wisama gi babamina gi a:na:da:minini, obape guwali dalate wisa gima wala gilala ladili, obape pa: saoda:na gi lope ladeletedilina dalate pa: saoda:na gite saoda: gima lope ladeliyana, kipale gosa alelamada:le. A:ma gi gobale obai LODope gagile gilala gwalemini. LOD sa:da elelota. Sa:dima eta galabe gite pa:pa pa:lamalelo.

Maik 7:3

Obaimunu mai saki sosawe a:na:mina gima a itawa bapi ediyana. Obai apeyanapate lumadile nagala lopalama gi alilelo, a:pite gi babamida:napate pa: nabidile lopala iwida:mineno. Kakamalina lumate kamalile obaite iwida:mininina lopala apeyana edeli. Obaite sosawena gi menagimite a:na:da:minini.

Malak 3:5

Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.

Lut 4:1

A:pite Bowa:sate wete gwaleminiyana saba baiga ta ogosa tepama a:mama manayana. Amale Elimelek auwanapa dalagi enoba Bowa:sate lope layana dalagi pa:yana. A:mala Bowa:sate oba dima a:negelayana, na:pe sopodalagi, a: ma:mama pa:te mana. A:pite obate wete a:mama manayana.