A:imo 3:2 - Godope Awananapa Gilala

² Na: a: menagi omona:yamana, a:i baigala edelina noneya waelabega gobala, enobala na: a: dima wisa atamalowa a:dowali sosawe gima.

A:imo 3:2 Iomraidhean Croise

Osey 2:13

Na: ya:mai kadepa gima oba dima wisa atamalowa, enoba Obate ilale oloda:na sa:lele ipowada:na lopala Ba:il ididalidima apuloyana. Obate obaya obama mai mudita: tulikiyapota: kakamiyana, amale oba iwiminetediliyana dala wapikile gwaladamate weleyana, obate ameta na: gi a kobele ena:yana. LOD enoba gi lalelo.

Osey 5:3

Na: Ipala:imipe gi waelabega itawa bapi, Islael na:dile pa:pa a:wate elelo Ipala:im, a: a a:ya a: ewada: gima esa:wena Islael a: a sosawe bapi ewena.

Osey 8:13

Obaitena: dima nagala eda:tediliyana nagala lopala nagala gima alitediliyana amale obaite a:mai sesepo nanetediliyana, ameta LOD obai dima pa:pa sa:kelalotoloyana. Amapula obate obaimunu sosawe a:na:da:mina gi iwaleda:munamalelo a:pite obaimunu sosawe gi wisa dapulamalelo. Obaite gwama Isipt wama isola:da:madili.

Osey 9:9

Obaite sosawe gi gobama a gaola tepa bapima koliyana, enoba Gibiyape kadepala saoyana gi a:na:pi. Godote obaimunu sosawe a:na:da:mina gi iwaleda:wamunamalelo a:pite a:ma gima obai dima wisa dapulamalelo.

A:imo 2:4

Ma:ma enoba LODote lalelona gilala, Yudape sosawe gi salikiliwa gima, o sakisaki gima na: na:dowali ga:o gi pa:pa ekeminamalowa. Gi ase obai LODope kakami gilala a ilapala eda:te a:pite obape babalama pa:pa gima kamidili, gi ase obai sewatana ididali balelada:mina gile gibalama nabidile a wama ka:odiyana, enobai obaimunu iniwalite gwaladaminiyana ididali.

A:imo 3:3

Luma saki mengimite wamina gima awapa elamalita, obaite menagimite wamina gima, gima kamina gi pa:pa a:na:minamalilina tepala.

A:imo 6:1

Sayonola awapale edelage latedilina luma da: kakabeya, a:pite Samaliya podola galabe bini a: edelina luma da: kakabeya, da: eta:mi wana kabigida:na dala, da: enobai luma Islaelana lumate da:dima pa:da:tedelamadili.

Maik 2:3

Enoba gi ase. LOD a:nege lalelo, na: aitapadilina luma ilapala da:mininina lumadima mene gi datamalowa, a:mai gi gobala da: da:ya da:pe galabe pa:pa pawada:minamdelewa. Da: pa:pa gwama kenatekenatale wamidelamadelewa, gi ase a:ma enoba galabe tepa elamalelo.

Nayu 3:4

ma:ma gite saowena gi ase oba dala bibilinapa susa:gi a:na:pi iyawa kabigibega eloyana, a:lowa kabigibega, wasiwa gi a:na:da:mina kamalibega, obape iyawa gile luma aleloyana, obape wasiwa gile luma dibulama aliloyana.