A:imo 3:10 - Godope Awananapa Gilala

¹⁰ Obai sogola gi a:na:mina gi pa: itawada:, LODote lalelo, obaite obaimunu tadana baiga gobana gegenama gobama obaite ilile aleliyana lopala a:wada:miniyana.

A:imo 3:10 Iomraidhean Croise

Osey 7:1

Ne Islael amowamalowamena, Ipala:imipe sosawe gite kekema saoda:madili, a:pite Samaliyape sosawe a:na:da:mina gi kekeda:madili. Obai sewata gi gobala edeli, ilinate gegenama gogobama ilile sa:eda:tedili, ilina gagasida:te nabidi tetepala luma ilida:minini,

A:imo 4:1

Ma:ma gilala enamada:la, da: Samaliya wala edelewamena Basan wana ka:o, da: lopala binina luma ilapala da:minete a:pite aitapadilina luma a:ima etoda:mite edelewamena ato, a:pite de da:dowali dala dima latedelewa, sa:dima waen alesamate pa:da:mela sa: dalagile nidelamada:le.

A:imo 5:7

A: sogolale gi bamina gi ameta sokamanapa gima leleminanona lumagi a:pite sogola gi ameta a:ima etominanona lumagi.

A:imo 6:12

Os ba:keledana sakale gugula:tedilita. Amale menagite a:i pasaminanapa lopalale a:i pasamunamalelota. Ameta da: sogolale gi bamina gi a sokamanapa wi a:na:pi miwamena a:pite da: sogola gipe adami a kamalinapa ya:ti wi a:na:pi miwamena,

A:imo 6:3

Da: ya:ma sosawenapa kadepa wama mila a:pite sosawenapa kanaba auwama gwalite pa:da:la.

A:imo 6:8

Sidinapa LOD obaya obape gaigile a lawena, LOD God Kamalinapate lalelo. Na: Ya:ikobipe na: awagana: gima ga:olelowa a:pite na: obape tadana baiga tatalada:munamalowa. Na: obape kabinapa baigata: obape lopala waelabegata: eta:mi lumadima dapulamalowa.

Maik 6:10

O sosawe gi a:na:da:mida:napa genama, na: kobele elamalowata, a: e ilile wisa kabigida:na lopala alelowemena gita: a:pite sewatanapa awapamina gita: a:mai enobai galabe gi edilita.

Sepen 1:9

Ya:ma kadepala na: ogosa tepana sima, litata emodilina luma sosaweda:minamalowa, a:pite obaimunu ididali balelada:mina gegenama gasumitada: gita: luma dapola kamali gita:le tatawaminina luma dapolamalowa.