A:imo 2:7 - Godope Awananapa Gilala

⁷ Obaite lopala binina lumumunu gaganabi a:i puluma etoda:minini, obaite a:i pulu etoda:mina pela edili, a:pite obaite menemenena gite dapololona lumadima ameta sogolale gi bamina gi pa:pa a:na:minini. Wawate obape pulagida gisaolanapa aminagi menagi iliminetedili, a:na:pile Obaite na:dowali Awananapa Gagi a sosawe miyana.

A:imo 2:7 Iomraidhean Croise

Osey 4:14

Na: da:pe amina pa:pa dapolamalowa obaite obebe ewada: gima eseda:madilina tepala, gwama da:pe apili iya:ta: enoba a:na:pi, obaite dala bilibili gima eseda:madilina tepala gi ase dala obaiya dala bilibilina ato dima na:da:tedili a:pite obaite ididali balelada:minetedilina genama gobana dala bilibilina atoda ewama: gi a:na:da:minetedili. Gi iwaleda: binina lumate a:ima niseselete sosawe eda:madili.

A:imo 4:1

Ma:ma gilala enamada:la, da: Samaliya wala edelewamena Basan wana ka:o, da: lopala binina luma ilapala da:minete a:pite aitapadilina luma a:ima etoda:mite edelewamena ato, a:pite de da:dowali dala dima latedelewa, sa:dima waen alesamate pa:da:mela sa: dalagile nidelamada:le.

A:imo 5:11

A: lopala binina luma a:ima etoda:mineno a:pite obai gamobegada:mineno a: dima kon apilamada:le. Enobala a: sa:sa:lena gegenema ba:kelele a:na:da:munoyana, ameta a:mai gegenamala a: pa:pa elamalelo, a: sa:sa:lena tokobe adami toloyana a: ameta a:mai waen pa:pa nidolamalelo.

A:imo 5:12

Gi ase na: a:dowali sosawe gi waelabeyagi itawa, a:pite a:dowali kabigida:na sosawe gi iya:ta:. A: sogolale edelina lumadima giwa:la eladele ameta pa: sogola nabidile gi alelalo, a:pite da: gi bamina sabale aitapadilina lumate sogolale gi bamina gima obai ilapala da:minenewa.

A:imo 8:4

Aitapadilina luma a:ima etoda:minenewamena luma da: ma:ma gilala enamada:la, a:pite ma:ma wa gobala aitapadilina luma ilapala da:minenewamena luma,

Maik 2:2

Obaite iwida:miniyana a:i kamalile luma dile aleletediliyana, gwama gegenamata: aleletediliyana. Obaite eta dalagipe genama egema:te, gwama sopodalimunu lopala aledamenetedili.

Maik 2:9

Da: na:pe lumumunu ato wama datamideleyamana obaimunu sa:sa:lena gegenama gobale. Da: na:dowali a: dapilalowamena sa:kelamina gi a elomina tepama wama milelewa, Obaimunu sege gobala.

Sepen 3:3

Obape opisol dala enobai kakamalina layon a:na:pi ulupodili, obape gaganabina dala enobai debe tepala wamideletedilina wa soka: edili, obai eta kadepana nana lopala pa: alitana.