A:ig 2:22 - Godope Awananapa Gilala

²² Na kabigida:na baiga baiga a:ima ba:ba:mite obaimunu kakamali ekeda:minamalowa. Na: obaimunu giwa:la gawata: a:mai gawa alelamidilina dalata: a:ima ba:ba:minamalowa, obaimunu osote kaokolamadili a:pite obai alelawamidilina dalate obaiya obai dapolamadili.

A:ig 2:22 Iomraidhean Croise

A:imo 2:15

Gagi kota kalekalele gwalulamalelona dalagite gwa:ima sikamida:malelo, a:i agola bapinapa dalagite pa:pa wama guluda:malelo, a:pite osole waminanona dalagite obape galabe pa:pa pawaminamalelo.

Maik 5:10

LODote laleo, a:ma kadepala na: da: gobala da:dowali oso dapodamamalowa. A:pite osote silida:minetedilina gawa sosaweda:minamalowa.

Maik 5:15

Na: ilabegale ga:oladele da:dima da:pe sosawe gi wisa dapulamalowa. Enoba na:pe gilalama pa:pa gima kamideyamana lumadima.

Maik 5:8

Dibulama alete na:da:dele na:sa:da:miyana Ya:ikobope luma menagigida:te eta:mi a:ibaigada edelamadili, luma waelabega gobala. Laiyon a:na:pi da:niya gobana wa waida elelo. Apela kanika:napa laiyon a:na:pi sip gagasila gobala elelo, a:pite oba amowanapate pa:pa amowamalelo.

Maik 5:9

Da:dowali mai giwa:lanadima pakakamite obai dapolete binibapida:minamdelewa. A:pite a:dowali giwa:lana waelabegate sosawe eda:madili.

Maik 7:16

A:i baigate a:mai gi tida:te pisala edelamadili, amale obaimunu kakamalite binida:madili, obaite obaimunu magata maile kawapidelamadili, a:pite obaimunu igibite tuda:madili.

Sepen 3:8

Enobala da: na:ma enamadela, LODote lalelo, na: da: gima gibaba ela gima elamalowa. Na: gi iwalela a sa:lemiwamena a:ibaiga waelabega gaogomunote, baiga baiga waelabeyagai gaogoda:munamalale a:pite na:dowali ga:o obai sidima saminamalale enoba na:dowali kamalinapa ga:o ilabega. Wa kabigibega ololamalowa, enoba na:dowali nugu ga:o ila.

Sekal 10:11

Obai mene gidanapa wasewa gobale pa:da:madili, wasewa wite patimada:madilina tepala na: obai gelada:minamalowa, a:pite gaolanapa Nael wasewanapa wite apamalelo. Asiliya wape na: awagana: gi na: a:ima miditilamalowa. A:pite Isipt wanapa kanabape gagi wama kaolamalelo.

Sekal 10:5

Obai daligile kakamalina dala a:na:pi eda:dele bodadana nabidile giwa:la edelamadili. Gi ase LOD obaida elelo, obai giwa:la eda:te osole wamidilina dala a:ima ba:ba:minamadili.

Sekal 12:9

Ya:ma kadepala na: Yelusalem baigama giwa:la edelina luma waelabega dapolale dapolamalale welamalowa.

Sekal 14:3

Amale LODote ya:mai baiga baigana dima giwa:la elamalelo, obate giwa:la elotolona gi a:na:pi.

Sekal 4:6

Enobala obana: dima a:negelayana, ma:ma enoba LODote Selubabel dima lalelona gilala. Pa: kamalile, pa: pa:nipa:nile ameta na:dowali limole a:na:minamadili. Ma:ma enoba LOD Kamalinapate lalelona gilala.

Sekal 9:10

Na: Ipala:im wa gobala sakana giwa:la gawa wama alete welamalowa gwama Yelusalem baiga gobala giwa:la oso wama alete welamalowa, na: giwa:la gagi ka:ka:muamalowa. Oba waelabega baiga baigama gela gilala ladolamalelo. Obape kanabate tidolamalelona wa ya:dela wasewate dololo, a:pite ya:dela eta wasewate dololo. A:pite Yupala:itis wasewa palala obape wa a:ibaiga a:yatama welamalelo.