A:ig 2:17 - Godope Awananapa Gilala

¹⁷ De da:pe maile a:na:da:mineyamana gi waelabeyagai ne gite tila gile gwama gwi lapipilale sosaweda:munoyamana, a:ma gi tideleyamana tepala da:na: dima pa:pa gima kamida:te pa:deyamana, LODote lalelo.

A:ig 2:17 Iomraidhean Croise

A:imo 4:6

Ne da:pe kabigida:na baiga waelabega gobala gwana gaoda: gi da:dima datayamana, a:pite na: da:dima baya pa:pa dapuloyamana da:dowali kowabinapa baiga gobala, ameta a:ma gi gobala da:na: dima pa:pa isola:deyamana, LODote lalelo.

A:ig 1:11

Ne kadepa bega gi da:pe wata: sakata: dima dapuloyamana. Ama kadepa ilate de toleyamana lopala sosaweda:miyana enobai, witita: biniyadita: olibita: gwama eta:mi egadana lopalata:. A:ma kadepa ilate lumata: anekekeyapota: atida:yana, a:pite a:pe lopala waelabeyagaite seseda:le sesediyana.

A:ig 1:6

Da: egada lopala waelabeyagai tolamadelewamena, ameta nana ulama patila tepala menagigida: bapi patiletedelewa. Da: baya kabigibega nanelewa, ameta da:dowali gwana pa:pa ida:te edili. Da: wi kabigibega nideletedelewa, ameta wi iyawa gite da:dile pa:pa binilelo. Da: kipale gosama oko a:na:minenewa, ameta da: ya:ma kipale gosa golo tataleda:na ka:ikisa gobama aliletedelewa. Da: kaka gulada:mina gima kakana lopala waelabega kakaminenewa, ameta kaka pa:pa gula eda:tedili.

A:ig 1:9

Da: nana ulama kabigida:beyagai alelamada:le iwida:minamadelewa ameta da: tila, ya:mai gite da:pe iwida:mina gida pa:pa awapa eda:te, nana ulama ameta kokowabi bapi eda:tedili. De gegenamama alete pa:da:tedelewamena egada gobana nana ulamadana lopala, ne na:dowali ipopona:da:le wama paiwada:minamalowa. Powa gi asele ya:ma gi a:na:pi dola eleloya. Gi ase LOD Kamalinapate lalelo, da: na:dowali balelamina genama sosawe dola elelola ameta da:dowali gegenama gi kabigibegale iwaleda:dele a:mai gegenama sa:leda:minenewa.

A:ig 2:16

Da: gi a:ta:pi tila edeleyamanaya. Lumagite obape egada gobala 20 kilogla:m nana ulama egela gima wetoloyana tepala oba ameta 10 kilogla:m bapi tilitoloyana. Lumagite waen a:na:mina sabala 50 lita egela gima awapanapa oko a:na:minotoloyana tepala oba ameta 20 lita bapi tilitoloyana.

Malak 3:11

Na: egada lopala sosaweda:mininina bono lopala ekeda:minamalowa obaite da:pe egada lopala naena gile. A:pite da:pe galip adami i waelabeyagaite alawada:te litatelamadili, na: LOD Kamalinapate lalelowa.