A:ig 1:6 - Godope Awananapa Gilala

⁶ Da: egada lopala waelabeyagai tolamadelewamena, ameta nana ulama patila tepala menagigida: bapi patiletedelewa. Da: baya kabigibega nanelewa, ameta da:dowali gwana pa:pa ida:te edili. Da: wi kabigibega nideletedelewa, ameta wi iyawa gite da:dile pa:pa binilelo. Da: kipale gosama oko a:na:minenewa, ameta da: ya:ma kipale gosa golo tataleda:na ka:ikisa gobama aliletedelewa. Da: kaka gulada:mina gima kakana lopala waelabega kakaminenewa, ameta kaka pa:pa gula eda:tedili.

A:ig 1:6 Iomraidhean Croise

Osey 4:10

Obai nanetedelamadili ameta pa:pa awapa eda:tedelamadili, obaite obaiya obaimunu obebe ewadelamadili ameta pa:pa waedelamadili, gi ase obai LOD a elatiyana.

Osey 8:7

Obaite ibowa todiyana a:pite nana ulama nana tepala ameta paiwa ganabi tiliyana. Kon i bapi ganabi bininapa, obate ulama pa:pa alawaminamalelo. Ameta kon dowata tepala ulama atakabinate naenamadili.

A:ig 1:10

Enobala sawisakala mimida:bite kola:te a:i baumiwila, lopala sa:lele apeda: gi a ekemiwame.

A:ig 1:5

Ma:ma enoba LOD Kamalinapate lalelona gilala. Da: de a:ta:pi eda: edelewamena gi gobala da: ya:ma gi sa:lele iwalelamadelewa.

A:ig 1:7

Ma:ma enoba LOD Kamalinapate lalelona gilala, de edelewamena kanika:wa gobala ma:ma gi sa:lele iwaledelamadelewa.

A:ig 1:9

Da: nana ulama kabigida:beyagai alelamada:le iwida:minamadelewa ameta da: tila, ya:mai gite da:pe iwida:mina gida pa:pa awapa eda:te, nana ulama ameta kokowabi bapi eda:tedili. De gegenamama alete pa:da:tedelewamena egada gobana nana ulamadana lopala, ne na:dowali ipopona:da:le wama paiwada:minamalowa. Powa gi asele ya:ma gi a:na:pi dola eleloya. Gi ase LOD Kamalinapate lalelo, da: na:dowali balelamina genama sosawe dola elelola ameta da:dowali gegenama gi kabigibegale iwaleda:dele a:mai gegenama sa:leda:minenewa.

A:ig 2:16

Da: gi a:ta:pi tila edeleyamanaya. Lumagite obape egada gobala 20 kilogla:m nana ulama egela gima wetoloyana tepala oba ameta 10 kilogla:m bapi tilitoloyana. Lumagite waen a:na:mina sabala 50 lita egela gima awapanapa oko a:na:minotoloyana tepala oba ameta 20 lita bapi tilitoloyana.

A:ig 2:17

De da:pe maile a:na:da:mineyamana gi waelabeyagai ne gite tila gile gwama gwi lapipilale sosaweda:munoyamana, a:ma gi tideleyamana tepala da:na: dima pa:pa gima kamida:te pa:deyamana, LODote lalelo.

Sekal 5:4

LOD Kamalinapate lalelo, na: ma:ma pepa papamina wama auwamimela obate ilina lumumunu gegenamata: sewatale na:dowali gagile gilala ladilina lumumunu gegenamata: waelabega gobama sa:elamalelo. Ya:ma pepa golomina genama gobala dolate genama ita: ba:keleta: sosaweda:munamalelo.

Sekal 8:10

Ya:ma tepa pa: saolanapa tepala, dalata: anekekeyapota:te oko wisa pa:pa aleletediliyana. Giwa:la emoda:dele lumate sa:lele obaimunu oko a:na:da:mina gima pa:pa awapa edeliyana, gi ase na: obaite obaimunu sopodala dima giwa:la edelamada:le gi midamayamana.

Malak 2:2

Da:pe a:na:mina gile na: ewamenamadelewa. Da: na:pe gilala pa:pa enamada:madelewamena, na: da: iwida:minamalowa. Da:dowali okole alelamadelewamena lopala ne iwida:minamalowa, da: tila, na: ya:ma gi a a:na:muwamena, gi ase da:pe gwana gobala kabigibegale na: iwalela gi pa:pa dololo.