A:bak 2:8 - Godope Awananapa Gilala

⁸ Gi ase a: baigabaiga waelabegaimunu lopala ilile aleloyana, enobala baigana luma eta:mite a:dowali lopala alelamadili. Ase a: lumumunu dede a sasamunoyana, a: lumumunu a:ita: kabigida:na baigata: gwama a:mai gobana luma waelabegata: a sosaweda:munoyana.

A:bak 2:8 Iomraidhean Croise

A:imo 3:10

Obai sogola gi a:na:mina gi pa: itawada:, LODote lalelo, obaite obaimunu tadana baiga gobana gegenama gobama obaite ilile aleliyana lopala a:wada:miniyana.

Auba 1:15

LODope kadepate a auwapula elelo, baigabaiga waelabega obaimunu gi babamuda:monamalale. Idom a: powa gi a: a a:na:miyanaya, oba enoba gi a: dima a:na:minamalelo. A: e na:sa:da:miyana gi a: gwama alolamalelo.

A:bak 2:10

A: luma waelabega dapola nabidi uwaladolo, enoba gile a: a:dowali lumadima pisala datadele a:dowali kanika:wa wama miyana.

A:bak 2:17

E Lebanon wama kamali bega eloyana gite ameta a: lapolamalelo, e wai dapoloyana kamali gite ameta a: dima kabiginapa emo gi atamalelo. Ase a lumagipe dede a samiyana, wata: kabigida:na baigata: a:pite a:mai gobana lumata: sosawe dapola bega eyana.

Sekal 1:15

Na: kabigi begale ga:olelowa gelada a: edelina eta:mi baiga gima. Na: pa:pa begale na:dowali lumadima mene eloyamana, ameta eta:mi baigana lumate obai kabigibegale sosaweda:miniyana obaimunu mene gobala.

Sekal 14:12

Yelusalem baigama giwa:la edelamadilina baiga LODote ma:ma gite tila gile obai dapolamalelo. Obai obaimunu a:ile litatilila ameta obaimunu sesepo baubulamadili, tao lapipilate obaimunu sasabale dowatate baubulamadili, a:pite ma:la:pilate magata gobala dowatate baubulamadili.