A:bak 1:12 - Godope Awananapa Gilala

¹² O LOD, a: elomina tepala God elelo. Na: a: ewamonowa O God, A: tatali pala bininapa pa: kaotanapa. O LOD a: Ba:bilon luma a domonoyana obaite sa:pe gi babaminamada:le, a:pite a: enoba sape a:wa ba:kele elelo, a: obaimuunu gwana a kakalada:miyana obaite sa:dima wisa dapilamada:le.

A:bak 1:12 Iomraidhean Croise

Maik 5:2

Ameta a: Beteliyam Epalata, a: Yuda udaga kabigibega gobala kowabinapa elelo, a: gobala etate na: gima saolamalelo. Enobate Islael kabigibega apeyanapa elamalelo. Obape gibalama sokate obape iniwa tepala asemite pa:la.

A:bak 3:2

LOD na: a:dowali gi kabigibega a enamadolowamena, na: e a:na:da:munowena gima emolelowa, o LOD. Sa:dowali tepale gwama a:na:da:mu, a: sa:dowali tepala gwama kekeda:mu, gwama a: sa:pe giwa:lana dima ga:olelona tepala sa:lebega sa:dima nagala ela gi iwalo.

A:bak 3:6

Oba patate a:ibaiga gagamiyana, oba lotobada:yala a:ibaigala luma sasiwadiliyana. Amatana podo babasa:midiyana a:pite amatabegale dowatamidiliyana sakate nisisiliyana. Obate a:na:da:minanona gi elomina tepala dowatili.

Malak 3:5

Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.

Malak 3:6

Na: enoba LOD, na: pa: opa:ya etanapa. Enobala da: Ya:kobipe a:iwina:pi pa:pa binibapi edeyamana.