तीतुस 3:3 - Garhwali

³ अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

गढवली नयो नियम

³ किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

तीतुस 3:3 Iomraidhean Croise

मत्ती 21:29

अर वे नौन न जबाब दिनी, ‘मि नि जाणु पापा,’ पर बाद मा वेको मन बदलि गै अर चलि गै।

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

यूहन्ना 8:34

यीशु न ऊंतैं जबाब देई, “मि तुम बटि सच्‍चि ही बोन्‍नु छौं, कि जु कुई पाप करदु, उ पाप को ही गुलाम च।

रोमियों 11:30

अर तुम जु यहूदी जाति का नि छा, एक बगत छौ जब तुमुन पिता परमेस्वर को विरोध कैरी, मगर जब यहूदी लोगु न वेको विरोध कैरी, तब पिता परमेस्वर न तुम पर दया कैरी।

रोमियों 6:12

इलै पाप तैं अपणा नास ह्‍वे जाण वळा सरील पर राज नि करण द्‍या, बल्किन मा तुम पिता परमेस्वर कि इच्छा का अधीन मा रा।

रोमियों 6:17

पर पिता परमेस्वर को धन्यवाद हो कि एक बगत छौ, जब तुम लोग पाप का गुलाम छा, तभि भि तुमुन शुभ समाचार की शिक्षा को पूरु पालन कैरी ज्वा की तुमतै सिखये गै।

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

कुलुसी 1:21

अर एक बगत वु छौ, जब तुम अपणा बुरा कामों की वजै से पिता परमेस्वर बटि दूर छा, अर तुमरा मनों मा वेका खिलाप बुरै भुरीं छै।

कुलुसी 3:7

अर एक बगत छौ, जब तुम इन्दरि ही बातों मा अपणु जीवन जीणा छा।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

2 तीमुथियुस 3:6

अर यों मा बटि त कुछ लोग इन्द्रया छिन, जु की सीदी-सादी जनानियों का घौर मा आसानी से घुसी जनदिन। तब यों जनानियों तैं वु अपणी बातों मा फंसै देन्दिन, किलैकि यू जनानियां बन्‍नि-बन्‍नि किसम का पाप मा फंसी रौनदिन, अर हरेक किसम की इच्छाओं तैं रखदिन।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

याकूब 1:26

अगर कुई भि खुद तैं धरमी समझदु, अर अपणी जीब तैं अपणा वश मा नि रखदु, त उ खुद तैं धोखा देन्दु, अर वेको परमेस्वर की नजर मा धरमी बणण बेकार च।

1 पतरस 1:14

इलै तुमतै पिता परमेस्वर की आज्ञा मनण वळा बच्‍चों का जन होण चयेणु। अब अपणी बुरी इच्छा का मुताबिक काम नि कैरा, जन तुम पैलि करदा छा। पर याद रखा यू काम त तुम वे बगत करदा छा, जब तुमरा पास यू ज्ञान नि छौ।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 18:2

अर वेन ऊँची आवाज मा चिल्‍लै के बोलि, “पतन ह्‍वे गै, पतन ह्‍वे गै, वीं वेश्या को पतन ह्‍वे गै जु कि बड़ु नगर बेबीलोन च, वु त खबेसों को घौर, अर हरेक किसम की अशुद्ध अर गन्दा पंछियों को घोल च, अर हरेक अशुद्ध अर घिण औणा वळा जानबर को उड़्यार बणि गै।