दिब्य दरस 8:9 - Garhwali

⁹ अर पाणि का जीव-जन्तुओं मा बटि तीन हिस्सों मदि एक हिस्सा को नास ह्‍वे गै, अर ठिक इन्‍नि समुन्दर का जाजों का तीन हिस्सों मदि एक हिस्सा को नास ह्‍वे गै।

गढवली नयो नियम

⁹ अर समुद्र मा रौंण वला एक तिहाई ज्यून्दा प्राणी मोरि गैनी अर यांका ल्वे ल समुद्र का एक तिहाई जहाजों तैं भि नष्ट कैरी दींनि।

दिब्य दरस 8:9 Iomraidhean Croise

दिब्य दरस 12:4

अर वेन अपणी पूंच से आसमान का गैंणो का तीन हिस्सों मदि एक हिस्सा तैं खैंची के धरती पर ढोळि दिनी। तब उ खुंखार रागस वीं जनानि का समणि खड़ु ह्‍वे गै, ज्वा कि बच्‍चा तैं जनम देण वळी छै, ताकि जब बच्‍चा को जनम हो, त उ वेतैं निगळी द्‍यो।

दिब्य दरस 16:3

फिर दुसरा स्वर्गदूत न अपणु कटोरा समुन्दर मा अखणै दिनी, अर समुन्दर को पाणि मुरयां मनखियों का ल्वे जन ह्‍वे गै अर ईं वजै से समुन्दर मा रौण वळा सब जीव-जन्तु मोरि गैनी।

दिब्य दरस 8:10

अर जब तिसरा स्वर्गदूत न बिगुला बजै, तब एक बड़ु गैंणु जु मसाल की तरौं जगणु छौ, आसमान बटि पोड़ि के कई गाडा अर पाणि का छोयों का तीन हिस्सों मदि एक हिस्सा पर पोड़ि।

दिब्य दरस 8:12

अर जब चौथा स्वर्गदूत न बिगुला बजै, तब सूरज, चाँद अर गैंणो का तीन हिस्सों मदि एक हिस्सा को नास ह्‍वे गै अर ऊंन उज्याळु देण बन्द कैर दिनी। अर इनकै सूरज न दिन मा चार घन्टा उज्याळु देण बन्द कैरी, अर ठिक उन्‍नि रात मा चाँद अर तारों न भि चार घन्टा उज्याळु देण बन्द कैर दिनी।

दिब्य दरस 8:7

अर जब पैला स्वर्गदूत न बिगुला बजै, तब ल्वे मिल्यूं ढांडो अर आग पैदा ह्‍वे, जु की धरती पर ढुळै गै। अर इन होण से जमीन का तीन हिस्सों मदि एक हिस्सा फुकै गै, अर इन्‍नि डाळों को एक हिस्सा फुकै गै, अर पूरि हरीं घास भि फुकै गै।

दिब्य दरस 9:15

तब चरी स्वर्गदूतों तैं आजाद किये गै, जौं तैं वे दिन, वे बगत अर वे मैना अर वे साल खुणि तयार कर्युं च, ताकि वु मनखियों का तीन हिस्सा मा बटि एक हिस्सा तैं मारी द्‍या।

दिब्य दरस 9:18

अर यों तीन विपदाओं की वजै से मनखि जाति का तीन हिस्सा मदि एक हिस्सा को नास ह्‍वे गै। अर यू सब कुछ ऊंका गिच्‍चों बटि निकळण वळी आग, धुंवा अर गंधक की वजै से ह्‍वे।