दिब्य दरस 6:9 - Garhwali

⁹ अर जब मेम्‍ना न पांचु मोर खोली, त मिन वेदी का मूड़ी कत्ल होयां लोगु की आत्माओं तैं देखि, जु कि परमेस्वर का वचन पर चलण की वजै से अर गवै देण कि वजै से मरे गै छा।

गढवली नयो नियम

⁹ जब चिनखा ल पाँचवी मुहर खोलि, त मिल वेदी का मूड़ी मिल ऊं लुखुं की आत्माओं तैं देखि जौं तैं मरै गै छो किलैकि उ पिता परमेश्वर का वचन का प्रति अर वेका संदेश का प्रति विश्वासयोग्य छा जु ऊं तैं मिल्युं छो।

दिब्य दरस 6:9 Iomraidhean Croise

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

फिलिप्पी 1:23

अर मि यों दुई बातों तैं लेके बड़ा घंघतोळ मा पोड़्यूं छौं, मोन त मेरु इन बोन्‍नु च कि ईं दुनियां बटि विदै लेके मि यीशु मसीह का पास चलि जौ, किलैकि या ही बात मि खुणि सबसे जादा खूब च।

फिलिप्पी 2:17

अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

2 तीमुथियुस 4:6

अर जख तक मेरी बात च, त या बात मि इलै बोन्‍नु छौं, किलैकि अब मेरा जीवन तैं अरपण करण को बगत याने की अब ईं दुनियां बटि विदै लेण को बगत ऐ गै।

इब्रानी 12:23

अर तुम बिस्वासी समुदाय मा अयां छाँ, अर समुदाय का लोगु का नौ स्वर्ग मा लिख्यां छिन। अर सुणा, परमेस्वर न ऊंतैं अपणी औलाद बणै के अपणा पैला जनम्यां नौना होण को अधिकार ऊंतैं दियाली। तुम वे परमेस्वर का पास अयां छाँ, जु कि सभ्यों को न्याय सच्‍चै से करदु। अर तुम पुरणा जमना का ऊं बिस्वासी लोगु का पास अयां छाँ, जु परमेस्वर की बातों का पिछनै चलि के परमेस्वर का पास औण का लैख बणि गैनी।

दिब्य दरस 1:2

अर मिन पिता परमेस्वर का वचन अर यीशु मसीह का बारा मा जु कुछ भि देखि, ऊं सब बातों की गवै देन्दु।

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

दिब्य दरस 14:18

फिर एक और स्वर्गदूत वेदी बटि निकळि, जैका पास वेदी का समणि धुप जलौण को अधिकार छौ। अर जैका हाथ मा पैनु दथड़ु छौ, येन वेकू ऊँची आवाज मा बोलि, “अपणा पैना दथुड़ा तैं चलै के धरती पर अंगूर की बेल बटि अंगूरों का गुच्छों तैं काटी के इकट्‍ठा कैरा, किलैकि अंगूर पक्‍की गैनी।”

दिब्य दरस 16:7

फिर मिन वेदी बटि इन आवाज सुणी, “हाँ, सर्वसक्‍तिमान प्रभु परमेस्वर, तुम न्याय करण मा सच्‍चा अर धरमी छाँ।”

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

दिब्य दरस 8:3

फिर एक और स्वर्गदूत ऐ अर उ पिता परमेस्वर की राजगद्‍दी का पास ज्वा वेदी छै, उ वींका समणि खड़ु ह्‍वे गै, अर धूपदेणु खुणि वेका हाथों मा सोनो को एक कटोरा छौ। तब वेतैं भौत सारी धूबत्ती दिये गैनी ताकि वु परमेस्वर का सब लोगु की प्रार्थनाओं तैं भेंट का रुप मा चड़ौ।

दिब्य दरस 9:13

अर जब छटुं स्वर्गदूत न बिगुला बजै। तब मिन सोने की वेदी तैं ज्वा की परमेस्वर का समणि च, वेका चरी कुणों बटि एक आवाज ऐ।