दिब्य दरस 6:4 - Garhwali

⁴ फिर एक और घोड़ा निकळि के ऐ जु कि लाल रंग को छौ, अर वेमा एक पराण सवार छौ जैतैं इन अधिकार दिये गै कि उ धरती मा बटि शान्ति तैं उठे द्‍यो, ताकि लोग एक-दुसरा को बेरहम ह्‍वेके कत्ल कैरी द्‍या, अर वे पराण तैं एक बड़ी तलवार दिये गै।

गढवली नयो नियम

⁴ अर एक चमकदार लाल घोड़ा वीं जगह बट्टी भैर ऐ जख सिंहासन रख्युं छो। पिता परमेश्वर ल वे पर बैठी के धरती पर लुखुं तैं एक-दुसरा बट्टी लड़ौणे की अर शान्ति उठै लींणे की आज्ञा दिये गै, कि उ युद्ध मा एक-दुसरा तैं मारि डाला। यु उद्देश्य कु पिता परमेश्वर ल यु सवार तैं एक बड़ी तलवार भि द्ये।

दिब्य दरस 6:4 Iomraidhean Croise

मत्ती 10:34

“अर इन नि समझा कि मेरी वजै से लोगु का बीच मा शान्ति राली, मगर मि तुमतै बतै देन्दु कि मेरी वजै से त लोगु का बीच मा फूट पोड़ि जालि।

मत्ती 24:6

अर जब तुम लड़ै अर लड़ै की अफवा का बारा मा सुणिल्या, त घबरै नि जयां, किलैकि यों सब बातों को होण जरुरी च, पर वे बगत अन्त नि आलु,

यूहन्ना 19:11

तब यीशु न जबाब देई, “अगर तुमतै परमेस्वर की तरफा बटि यू अधिकार नि दिये जान्दु, त तुमरो मि पर कुई भि अधिकार नि होन्दु। इलै जैन मितैं तुमरा सुपुर्द कैरी, वेको पाप और भि जादा बड़ु च।”

दिब्य दरस 12:3

फिर आसमान मा एक और चिन्‍न दिखै, जु कि लाल रंग को एक बड़ु खुंखार रागस छौ, वेका सात मुण्ड़ अर दस सींग छा, अर वेका हरेक मुण्ड़ पर एक-एक मुकुट छौ।

दिब्य दरस 13:10

जैतैं कैदी होणु खुणि ठैरैये गै वेतैं जेलखाना मा डळै जालु, जैतैं तलवार से मरे जाण खुणि ठैरैये गै उ तलवार से मरे जालु, इलै ईं बात तैं जाणि ल्या कि बिस्वासी लोगु तैं सबर अर बिस्वास मा बणयूं रौण की जरुरत च।

दिब्य दरस 17:3

अर जब मि पवित्र आत्मा की ताकत से भरपूर ह्‍वे ग्यों तब उ स्वर्गदूत मितैं एक निर्जन जगा मा लि गै, अर उख मेरी नजर एक जनानि पर पोड़ि ज्वा की लाल रंग का एक दैंत पर बैठि छै। अर वे दैंत का सरील पर वु नौ लिख्यां छा ज्यां से कि परमेस्वर की बेजती होन्दी अर वेका सात मुण्ड़ अर दस सींग छा।

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।