दिब्य दरस 4:1 - Garhwali

¹ यों सब बातों का बाद मिन देखि, कि स्वर्ग मा एक द्‍वार खुल्यूं च अर एक बिगुला का जन आवाज, ज्वा कि मिन पैलि सुणी छै वेन मिकू बोलि, “इख मथि अऽ, मि त्वेतै वु बात दिखौलु जु येका बाद होण वळी छिन, अर वु जरुर पूरि ह्‍वेलि।”

गढवली नयो नियम

¹ जब यु सब बात हवे गैनी, त मि यूहन्ना ल देखि कि स्वर्ग मा एक द्वार खुल्यूं च; फिर मिल उ ही पैली आवाज दुबरा सूंणि जु कि एक तुरै की आवाज जन छै। वेल मि बट्टी बोलि, मि मा इख मथि औ, अर मि उ बात त्वे तैं दिखौलु, जौं बातों तैं यूं बातों का बाद पूरो हूंण जरूरी च।

दिब्य दरस 4:1 Iomraidhean Croise

मत्ती 3:16

अर यीशु न बपतिस्मा ले अर जन्‍नि उ पाणि बटि भैर निकळि ठिक उन्‍नि स्वर्ग खुलि गै, अर वेन परमेस्वर का आत्मा तैं कबूतर का रुप मा उतरद देखि अर अपणा मथि औन्द देखि।

मरकुस 1:10

अर जब यीशु पाणि बटि निकळि, त तुरन्त वेन स्वर्ग तैं खुल्यूं अर पवित्र आत्मा तैं कबूतर का रुप मा अपणा मथि उतरद देखि।

लूका 3:21

यूहन्‍ना का जेलखाना मा डळै जाण से पैलि, जब सब लोग बपतिस्मा लिणा छा, तब यीशु न भि बपतिस्मा लेई, अर जब उ प्रार्थना कनु छौ तब आसमान खुलि गै।

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

खास चेलों 10:11

अर वेन देखि की आसमान खुलि गै, अर एक बड़ा चदरा का जन कुई चीज मूड़ी औणी च अर वेतैं चौतरफि बटि पकड़ी के धरती पर लये जाणु छौ।

खास चेलों 7:56

“सुणा, मि स्वर्ग तैं खुल्यूं अर मनखि का पुत्र तैं परमेस्वर की दैंणी तरफा खड़ु होयुं दिखणु छौं।”

दिब्य दरस 1:10

अर प्रभु की भक्‍ति का दिन मा एक बार मि पवित्र आत्मा की ताकतळ भरपूर ह्‍वे ग्यों। अर मिन अपणा पिछनै एक बिगुले की तेज आवाज सुणी,

दिब्य दरस 1:12

अर जु मेरा दगड़ा मा बात कनु छौ, जब वेतैं दिखणु कू मि पिछनै मुड़ि, त मिन सोना का सात दीपदान दिखिनी।

दिब्य दरस 1:19

इलै सुण, जु कुछ भि तिन देखि च, अर जु कुछ भि होणु च, अर जु कुछ भि येका बाद होण वळु च, ऊ सब कुछ तू लिख ले।

दिब्य दरस 11:12

अर ऊंन स्वर्ग बटि एक तेज आवाज सुणी, जिं न ऊं दुईयों कू इन बोलि, “इख मथि ऐ जा।” अर ऊ दुईया का दुई बादळों मा उठये गैनी, अर ऊंका दुसमन ऊंतैं दिखदी रै गैनी।

दिब्य दरस 11:19

तब परमेस्वर को मन्दिर जु कि स्वर्ग मा च खुलै गै, अर वे मन्दिर मा करार को बक्सा दिखै। अर फिर बिजली चमकी अर बादळों की गगड़ाट, अर भ्वींचळु ऐ अर भौत ढांडो पोड़ि।

दिब्य दरस 16:17

तब सातवां स्वर्गदूत न अपणु कटोरा हवा मा अखणै दिनी, अर मन्दिर की राजगद्‍दी बटि एक ऊँची आवाज ऐ, “पूरु ह्‍वे गै।”

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

दिब्य दरस 22:6

फिर स्वर्गदूत न मिकू बोलि, “प्रभु परमेस्वर जु कि अपणा रैबर्यों तैं अपणी बातों बतौन्दु। ऊंन मितैं तेरा पास भेजि कि मि त्वेतै ऊं बातों का बारा मा बतौ जु कि जल्द पूरि होण वळी छिन। अर यू सब बात सच्‍चि अर भरोसा करण का लैख छिन।