दिब्य दरस 2:3 - Garhwali

³ अर मि इन भि जणदु छौं, कि तुम सबर रखण जणदा छाँ अर मेरा नौ का खातिर तुमुन दुख-तकलीफ झिलनी, पर तुम नि थक्यां।

गढवली नयो नियम

³ अर तिल धीरज से दुखों तैं सै किलैकि तू मि पर विश्वास करदी अर तिल कभी हार नि मांणी।

दिब्य दरस 2:3 Iomraidhean Croise

मरकुस 15:21

अर वे ही बाटा पर शमौन नौ को एक मनखि कै गौं बटि औणु छौ। अर उ कुरेन नगर को रौण वळु छौ, अर सिकन्दर अर रूफुस येका ही नौना छा। तब सिपयों न वेतैं मजबूर कैरी, कि उ यीशु की क्रूस तैं उठे के लि जौ।

लूका 14:27

अर जु कुई अपणी क्रूस तैं बिन बिज्यां मेरा पिछनै चलदु उ भि मेरु चेला नि ह्‍वे सकदु।

लूका 18:1

अर यीशु न अपणा चेलों तैं हमेसा प्रार्थना करण का बारा मा अर हिम्मत नि छुड़ण का बारा मा बतौणु खुणि ऊंतैं एक उदारण सुणै। वेन ऊंकू बोलि कि,

लूका 21:19

अर तुमरो सबर रखण की ताकत ही तुमरा जीवन तैं बचालि।

लूका 5:5

तब शमौन न वेतैं जबाब देई, “गुरुजी, हमुन पूरि रात भर मेनत कैरी, मगर हमुन कुछ भि नि पकड़ी। फिर भि तुमरा बुलण पर मि जाल डालि देन्दु।”

लूका 8:15

अर अच्छी जमीन मा पोड़यां बीज वु लोग छिन जु परमेस्वर का वचन तैं सुणी के वेतैं अपणा अच्छा अर आज्ञा मनण वळा मन मा समाळि के रखदिन, अर सबर रखी के अच्छा फल लेके औन्दिन।”

यूहन्ना 15:21

अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

रोमियों 16:12

अर त्रूफैना अर त्रूफोसा बैंणो तैं भि मेरु सलाम, वु दुई बैंण प्रभु यीशु खुणि भौत मेनत करदिन। अर मेरी प्यारी बैंण पिरसिस तैं भि मेरु सलाम जिं न प्रभु खुणि भौत मेनत कैरी।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

रोमियों 8:25

मगर हम वे पर अपणी आस बणै के रखद्‍यां, जु हमुन देखि ही नि छिन। इलै हम सबर रखी के ऊं चीजों तैं पौण को इंतजार करद्‍यां।

1 कुरिन्थि 13:7

अर प्यार लोगु तैं मतलबी ना, बल्किन मा सब कुछ सौण वळु बणै देन्दु इन्द्रयो मनखि दुसरो खुणि अच्छा विचार रखदु, अर हर बात मा सबर रखदु।

1 कुरिन्थि 16:16

इलै मि तुम लोगु से इन बिन्ती करदु कि तुम इन्द्रया लोगु का अधीन मा रा। अर जु लोग ऊंका दगड़ा मा मिली के कड़ी मेनत करदिन तुम लोग ऊंका भि अधीन मा रा।

2 कुरिन्थि 10:15

हे मेरा भै-बैंणो, हम दुसरा बिस्वासी लोगु की मेनत पर कभि भि बड़ु मोन नि करद्‍यां, अर या बात मि इलै बोन्‍नु छौं किलैकि हमुन ऊंका काम मा कुई मेनत भि नि कैरी। अर हम इन उम्मीद करद्‍यां कि जन-जन तुम बिस्वास मा मजबूत होन्दी जैल्या, तन-तन तुम ये काम तैं फैलाण मा हमरि मदद जरुर करिल्या।

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।

2 कुरिन्थि 4:1

इलै जब परमेस्वर न हम पर अपणी दया कैरी अर हमतै ये लैख बणै कि हम वेकी महान सेवा कैरी सैका, त हम पिछनै किलै हटा।

2 कुरिन्थि 4:16

इलै ही हम भि अपणी हिम्मत तैं नि छुड़द्‍यां अर ना ही हमुन वचन सुनौण बन्द कैरी, अर भले ही हमरा सरील कमजोर छिन, पर फिर भि पिता परमेस्वर हमतै हरेक दिन हिम्मत देन्दु अर हमतै मजबूत कनु रौन्दु।

2 कुरिन्थि 5:9

अर हमरि मनसा या ही च कि हम अपणा प्रभु तैं खुश कैरी सैका, अब चै हम ईं दुनियां मा रा या नि रा।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

गलातियों 6:2

अर दुख-तकलीफ मा एक-दुसरा की मदद कैरा, अर इन कैरिके यीशु मसीह का नियम-कानून तैं पूरु कैरा।

गलातियों 6:9

इलै हमतै भलै का काम करण मा पिछनै नि हटण चयेणु, किलैकि अगर जु हम सभ्यों का दगड़ा मा भलै कना रौला, त ठिक बगत पर लवै करुला।

फिलिप्पी 2:16

अर जीवन का वचन तैं अपणा जीवनों मा मजबूती से बणै के रखा, ताकि यीशु मसीह का वापस औण का दिन पर ईं बात पर मि बड़ु मोन कैरी सैकु। अर वे दिन मि समझि जौलु कि मेरी भाग-दौड़ अर मेरा द्‍वारा करीं मेनत बेकार नि गै।

फिलिप्पी 4:3

हे मेरा सच्‍चा दगड़्या, मि त्वेसे बिन्ती करदु कि तू ऊं दुई बैंणो की मदद कैर, किलैकि ऊं दुईयों न शुभ समाचार तैं फैलाण मा मेरी पूरि मदद कैरी। अर ऊंन क्लेमेंस अर मेरा दगड़ा मा काम करण वळा दुसरा भैयों का दगड़ा भि बड़ी मेनत कैरी, जौं का नौ जीवन की किताब मा लिख्यां छिन।

कुलुसी 1:11

अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

1 थिस्सलुनीकी 5:12

हे मेरा भै-बैंणो, हम तुम से बिन्ती करद्‍यां, कि तुम ऊं लोगु की कदर कैरा, जु तुमरा बीच तुमतै सच्‍चै की शिक्षा देके वेको बाटु बतौन्दिन। अर ऊंकी या शिक्षा इलै च, ताकि तुम लोग प्रभु मा और अगनै बैढी सैका।

2 थिस्सलुनीकी 3:13

पर हे मेरा भै-बैंणो, तुम भलै करण मा नि थका।

2 थिस्सलुनीकी 3:5

अर हम तुम लोगु खुणि इन प्रार्थना करद्‍यां, कि यीशु मसीह तुमतै परमेस्वर का प्यार की तरफा लेके जौ, अर जन दुख-तकलीफ प्रभु यीशु न उठे, उन्‍नि दुख-तकलीफ सौणु खुणि प्रभु यीशु तुमरि मदद भि करलु।

2 थिस्सलुनीकी 3:8

अर हमुन मुफत मा कै की रुट्‍टी नि खै, पर दिन-रात खून पसीना बुगै के मेनत कैरी, ताकि कै खुणि हम भारु नि बणि जां।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

1 तीमुथियुस 5:17

अर बिस्वासी समुदाय का अध्यक्ष जु की समुदाय मा अच्छी सेवा करदिन, खास कैरिके वु लोग जु की वचन को परचार करण मा अर वेतैं सिखौण खुणि कठिन मेनत करदिन, हाँ ऊंतैं और भि जादा आदर-सम्मान मिलण चयेणु।

इब्रानी 10:36

मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

इब्रानी 12:1

हे मेरा भै-बैंणो, हम इन्द्रया ही भौत सा लोगु का बारा मा जणदा छां, जु कि बिस्वास का बारा मा हमतै हौसला देन्दा छिन। इलै अब हम पक्‍कु बिस्वास बणै के रखा, ठिक उन्‍नि जन एक खिलाड़ी अपणा बाटा मा औण वळी रुकावट तैं दूर करदु, ठिक इन्‍नि हम भि सब पापों तैं छोड़ि द्‍या अर सबर रखी के हरेक किसम की परेसानी तैं झेली के परमेस्वर का पिछनै चलण वळा बणा।

इब्रानी 13:13

इलै आ, हम पुरणि बातों तैं छोड़ि के यीशु मसीह का पास ऐ जां, अब चै हमरि बेजती ही किलै नि हो।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।

इब्रानी 6:15

अर भौत इंतजार करण का बाद पितर अब्राहम तैं वु मिली जैको करार वेका दगड़ा मा परमेस्वर न कैरी छौ।

2 पतरस 1:6

अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।