दिब्य दरस 19:4 - Garhwali

⁴ तब मिन देखि, कि स्वर्ग मा पिता परमेस्वर राजगद्‍दी पर बैठयूं च, अर चौबीस अध्यक्षों न अर चार ज्यून्दा पराणों न भ्वीं मा पोड़ि के वेकी भक्‍ति कैरिके बोलि, “आमीन, हाल्‍लेलूय्याह।”

गढवली नयो नियम

⁴ अर चौबीसों दाना-सयाणों ल अर चरी ज्यून्दा प्राणियों ल गिरी के पिता परमेश्वर तैं दण्डवत् कैरी; जु सिंहासन पर बैठया छा, अर बोलि, “आमीन! पिता परमेश्वर की आराधना हो!”

दिब्य दरस 19:4 Iomraidhean Croise

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

1 कुरिन्थि 14:16

अर जब तू पवित्र आत्मा का द्‍वारा परमेस्वर की बडै दुसरि भाषा मा करली, त जिं भाषा तैं बिस्वासी समुदाय का लोग नि समझदिन, त वु तेरा दियां धन्यवाद मा कनकै “आमीन” बुलला, किलैकि ऊंका बिंगण मा कुछ नि च औणु।

दिब्य दरस 15:7

तब चार ज्यून्दा पराणों मदि एक न यों सात स्वर्गदूतों तैं सोना का सात कटोरा दिनी, जौं मा हमेसा-हमेसा तक ज्यून्द रौण वळा परमेस्वर को परकोप भोर्यां छौ।

दिब्य दरस 19:1

येका बाद मिन स्वर्ग मा एक बड़ी भीड़ की सि आवाज सुणी, अर लोग ऊँची आवाज मा इन बोन्‍ना छा कि, “हाल्‍लेलूय्याह, आदर-सम्मान, ताकत अर बचौण वळु हमरु परमेस्वर ही च,

दिब्य दरस 19:3

फिर दुसरि बार ऊंन बोलि, “हाल्‍लेलूय्याह, हे बेबीलोन नगर तेरा फूक्योंण को धुंवा हमेसा-हमेसा तक उड़णु रालु।”

दिब्य दरस 19:6

फिर मिन बड़ी भीड़ की आवाज सुणी, ज्वा की तेज लैरों का जन अर बादळों की गगड़ाट की तरौं छै अर ऊंन बोलि, “हाल्‍लेलूय्याह, हमरु प्रभु परमेस्वर न जु की सर्वसक्‍तिमान च वेन राज करण शुरु कैरियाली।

दिब्य दरस 5:14

तब ऊं चार ज्यून्दा पराणों न इन बोलि, “आमीन” अर ऊ अध्यक्षों न भ्वीं मा पोड़ि के ऊं दुईयों की भक्‍ति कैरी।