दिब्य दरस 18:3 - Garhwali

³ अर सब देसों का लोगु न वींका गळत सम्बन्ध बणौण वळी दारु पीयाली, ताकि सब लोग तैं वीं की लत लगि जौ, अर धरती का राजाओं न वींका दगड़ा मा सरील का गळत सम्बन्ध बणैनी, अर अपणी बुरी इच्छाओं तैं पूरु कैरिके धरती का व्यापारी लोग मालोमाल ह्‍वे गैनी।”

गढवली नयो नियम

³ यु इलै होलो किलैकि वीं जनन ल जु कि बाबेल शहर च, हर एक राज्य का सभि जातियों तैं दाखमधु पिलै जु कि वेकी मूर्तियों की पूजा करदा छा। सैरी धरती का राजा वेका गंदा कामों मा शामिल हवीनि। धरती का व्यापारी वीं जनन की मंहगी-मंहगी चीजों की इच्छा का कारण सामर्थी अर धनवान बंणि गैनी।”

दिब्य दरस 18:3 Iomraidhean Croise

लूका 7:25

फिर तुम क्या दिखणु कू ग्यां छा? क्या मखमल का कपड़ा पैरयां एक मनखि तैं? देखा जु सानदार कपड़ा पैरदिन, अर भोग-बिलास मा रौनदिन, ऊ त राज महलों मा रौनदिन।

1 तीमुथियुस 5:11

पर ज्वान विधवाओं को नौ वीं लिस्ट मा नि लिखा, किलैकि ऊ अपणा सरील की इच्छा तैं पूरि करण का बाना यीशु मसीह तैं छोड़ि के ब्यौ करण चनदिन।

दिब्य दरस 14:8

अर पैला स्वर्गदूत का बाद एक-दुसरो स्वर्गदूत उड्‍द दिखै अर वेन इन बोलि कि, “पतन ह्‍वे गै, पतन ह्‍वे गै, बड़ा नगर बेबीलोन को पतन ह्‍वे गै, सब देसों का लोगु न वींका गळत सम्बन्ध बणौण वळी दारु पीयाली, ताकि सब लोगु तैं वीं की लत लगि जौ, अर वींका दगड़ा मा सरील का गळत सम्बन्ध बणौण का कामों तैं पूरु कैरा।”

दिब्य दरस 17:2

अर वींका दगड़ा मा धरती का राजाओं न गळत सम्बन्ध रखिनी, अर दारु की तरौं वींका ये काम से धरती का रौण वळा वींका नसा मा धुत ह्‍वे गैनी।”

दिब्य दरस 18:19

“तब ऊ अपणा मुण्ड़ मा माटु डलला, अर रुवाला अर बड़ु शोक करला अर चिल्‍लै-चिल्‍लै के बुलला, “‘हे बड़ा नगर, त्वे पर हाय च, तू जैकी धन-दौलत से सब जाज वळा सेठ ह्‍वे गै छा, तू एक घन्टा मा ही नास ह्‍वे गै।’

दिब्य दरस 18:23

अर ना ही त्वेमा फिर कभि द्‍यू को उज्याळु चमकळु, अर ना ही त्वेमा ब्यौला अर ब्यौलि की आवाज सुण्यालि। अर यू सब इलै होलु किलैकि तेरा दगड़ा मा व्यापार करण वळा धरती का परधान छा, अर तेरा जादु का द्‍वारा सब जाति का लोगु तैं भरमै गै छौ।

दिब्य दरस 18:7

जथगा बड़ु वींन मोन कैरी अर अपणी सान-सौकत बढै, अर जथगा अयासी मा वा रै, उथगा ही जादा दुख अर पीड़ा वींतैं द्‍या, किलैकि वा अपणा दिल मा इन बुल्दी कि, ‘मि त महाराणी बणि के बैठि छौं, मि विधवा नि छौं, अर मिन कभि भि शोक नि मणै।’

दिब्य दरस 18:9

“अर धरती का राजा जौन वींका दगड़ा मा गळत सम्बन्ध बणैनी, अर ईं अयासी का हिस्सा तैं आपस मा बांटि छौ जब वु वींका फूक्योंण को धुंवा दिखला, त वीं खुणि रुवाला अर अपणी-अपणी छति तैं भटकाला।