दिब्य दरस 15:7 - Garhwali

⁷ तब चार ज्यून्दा पराणों मदि एक न यों सात स्वर्गदूतों तैं सोना का सात कटोरा दिनी, जौं मा हमेसा-हमेसा तक ज्यून्द रौण वळा परमेस्वर को परकोप भोर्यां छौ।

दिब्य दरस 15:7 Iomraidhean Croise

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

दिब्य दरस 1:18

अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।

दिब्य दरस 15:1

फिर मिन स्वर्ग मा एक और बड़ु अदभुत चिन्‍न देखि की सात स्वर्गदूत छा, जौं का पास सात विपदा छै। अर यू आखिरी विपदा छै, अर येका दगड़ा-दगड़ि परमेस्वर को परकोप पूरु ह्‍वे जान्दु।

दिब्य दरस 16:2

तब पैला स्वर्गदूत न जैके अपणु कटोरा धरती पर अखणै दिनी, अर जौं लोगु पर वे दैंत की मोर लगि छै अर जु वेकी मूरत की पूजा कना छा, ऊं पर बड़ु दुख देण वळु बुरु फोड़ा निकळि गै।

दिब्य दरस 17:1

अर येका बाद इन ह्‍वे कि जौं सात स्वर्गदूतों का पास सात कटोरा छा ऊं मदि एक न मेरा पास ऐके बोलि कि, “इख अऽ, मि त्वेतै दिखान्दु कि दुनियां की सबसे बड़ी वेश्या तैं मिलण वळु दण्ड क्या च, ज्वा कि भौत सि गाडो का छाला पर बैठि च।

दिब्य दरस 21:9

फिर जौं सात स्वर्गदूतों का पास सात आखिरी विपदा से भोर्यां सात कटोरा छा, ऊं मदि एक न मेरा पास ऐके बोलि, “यूहन्‍ना इख अऽ, मि त्वेतै वा जगा दिखान्दु जख बिस्वासी समुदाय का लोग यीशु से मिलणु खुणि तयार छिन, ठिक उन्‍नि जन एक ब्यौलि अपणा ब्यौला खुणि तयार रौन्दी।”

दिब्य दरस 4:10

तब ऊ चौबीस अध्यक्ष राजगद्‍दी पर बैठण वळा का समणि भ्वीं मा पोड़ि के वेकी भक्‍ति करदिन, जु कि हमेसा-हमेसा तक ज्यून्द च। अर अपणा-अपणा मुकुट तैं निकळि के वेकी राजगद्‍दी का समणि रखदिन अर इन बुल्दिन कि,

दिब्य दरस 5:8

अर जब वेन वु ले, त चार ज्यून्द पराण अर चौबीस अध्यक्ष मेम्‍ना का समणि भ्वीं मा पोड़ि गैनी। अर हर अध्यक्ष का हाथ मा बीणा अर सोना का कटोरा छा, जु कि धूबत्ती से भोर्यां छा जैको मतलब बिस्वासी लोगु की प्रार्थना से च।