दिब्य दरस 15:3 - Garhwali

^3-4 अर वु परमेस्वर का सेवक मूसा को गीत अर मेम्‍ना जु की यीशु च वेको यू गीत गाणा छा, “सर्वसक्‍तिमान प्रभु पिता, हे हमरा प्यार प्रभु यीशु, छाँ महान पवित्र तुम ही, एकमात्र बाटु तुमरो सच्‍चु, भरोसा का लैख केवल तुम ही, काम अदभुत महान सब ही। सदनि को राजा केवल तुम ही, आदर-सम्मान लोग करला सब ही आला तुमरा समणि, देस-देस का सभि झुकला तुमरा समणि, करला भक्‍ति अर बडै भि जाहीर ह्‍वे गै ऊं सभ्यों पर, करदा छाँ तुम सब कुछ सच्‍चै पर।”

गढवली नयो नियम

³ अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”

दिब्य दरस 15:3 Iomraidhean Croise

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

इब्रानी 3:5

हे मेरा दगड़्यों, हम जणदा छां कि परमेस्वर का रैबर्या मूसा न ठिक उन्‍नि कैरी, जन वेकू पिता परमेस्वर न बोलि छौ, अर अपणा जमना मा जब वेन सेवा को काम करण छौ, त वेन पिता परमेस्वर का लोगु की देख-रेख कैरी। अर वे बगत मा ही मूसा रैबर्या न ऊं लोगु तैं बतै छौ कि पिता परमेस्वर न औण वळा बगत खुणि क्‍वा जि योजना बणै के रखी च।

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

दिब्य दरस 11:17

अर इन बोलि कि, “सर्वसक्‍तिमान प्रभु परमेस्वर, जु छौ जु अभि भि च हम तुमरो धन्यवाद करद्‍यां, किलैकि तुमुन अपणी बड़ी ताकत को इस्तेमाल कैरिके राज कन शुरु कैरियाली।

दिब्य दरस 14:3

अर वु राजगद्‍दी का समणि, अर चार ज्यून्द पराणों अर अध्यक्षों का समणि एक नयू गीत गाणा छा। अर एक लाख चवालीस हजार लोग का अलावा कुई भि वे गीत तैं नि सिखी सकदु, अर यू वु लोग छिन जौं तैं यीशु न अपणु बलिदान देके खरीदयाली।

दिब्य दरस 14:8

अर पैला स्वर्गदूत का बाद एक-दुसरो स्वर्गदूत उड्‍द दिखै अर वेन इन बोलि कि, “पतन ह्‍वे गै, पतन ह्‍वे गै, बड़ा नगर बेबीलोन को पतन ह्‍वे गै, सब देसों का लोगु न वींका गळत सम्बन्ध बणौण वळी दारु पीयाली, ताकि सब लोगु तैं वीं की लत लगि जौ, अर वींका दगड़ा मा सरील का गळत सम्बन्ध बणौण का कामों तैं पूरु कैरा।”

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

दिब्य दरस 19:16

अर वेका कपड़ों पर अर जंगुड़ा पर जु नौ लिख्यूं च, उ इन च, “राजाओं को राजा, प्रभुओं को प्रभु।”

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”

दिब्य दरस 4:8

अर चरी पराणों का छह-छह फाँकुड़ छा, अर ऊंका चौतरफि अर ऊंका भितर भि आंखा ही आंखा छा। अर वु बिन रुक्यां दिन-रात इन बुल्दिन कि, “पवित्र, पवित्र, पवित्र, सर्वसक्‍तिमान प्रभु परमेस्वर, जु छौ जु आज भि च अर जु औण वळु च।”