दिब्य दरस 13:3 - Garhwali

³ अर वे दैंत का मुण्ड़ पर एक इन्दरि चोट लगि छै कि वेका बचण की उम्मीद नि छै, मगर वेको उ घौ खूब ह्‍वे गै। अर वेका खूब होण की वजै से पूरि धरती का लोग बड़ु ताजुब कैरिके वेका पिछनै-पिछनै चलण लगि गैनी।

गढवली नयो नियम

³ मिल वेका मुंड मा बट्टी एक पर इन भारी घाव लग्युं देखि, जन मांणा उ मुरण वलो हो; फिर वेको उ जान लींण वलो घाव खूब हवे गै, अर सैरी धरती का लोग वे जानवर का पिछनै भौचक हवे के चलण लगि गैनी।

दिब्य दरस 13:3 Iomraidhean Croise

लूका 2:1

अर ऊं दिनों मा रोमी महाराजा औगुस्तुस की तरफा बटि आज्ञा निकळि, कि रोम सरकार का राज मा रौण वळा लोगु की जनगणना किये जौ।

यूहन्ना 12:19

तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्‍वे सकणु च, देखा, सरी दुनियां का लोग वेका पिछनै चलण लगि गैनी।”

खास चेलों 8:13

इख तक की जादूगर शमौन न भि खुद बिस्वास कैरी अर बपतिस्मा ले, अर वेका बाद उ फिलिप्पुस का दगड़ा मा लगातार रौण लगि गै। अर फिलिप्पुस का द्‍वारा जु अदभुत काम अर चमत्कारिक चिन्‍न किये जान्दा छा, ऊंतैं देखि के उ हकदक ह्‍वे जान्दु छौ।

दिब्य दरस 13:12

अर यू दैंत समुन्दर वळा दैंत की निगराणी मा रै के अपणु पूरु अधिकार चलौणु छौ। अर येन धरती मा रौण वळा सब लोगु तैं समुन्दर वळा दैंत की पूजा करणु खुणि मजबूर कैरी, हाँ वेकी ही पूजा करणु खुणि जैका मुण्ड़ पर एक इन्दरि चोट लगि छै ज्यां से वेका बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 13:14

अर उ धरती का लोगु तैं भरमौणु रै, किलैकि ये दैंत का पास समुन्दर वळा दैंत की तरौं चमत्कार करण को अधिकार दिये गै। अर ये दैंत न धरती का लोगु तैं समुन्दर वळा दैंत की मूरत बणौणु कू बोलि, हाँ वे ही दैंत की जैका मुण्ड़ पर तलवार से एक इन्दरि चोट लगि छै कि वेकी बचण की उम्मीद नि छै, मगर वेको उ घौ खूब ह्‍वे गै छौ।

दिब्य दरस 17:10

यां को मतलब सात राजा से च, जौं मदि पांच को त पतन ह्‍वे गै, अर एक अभि भि च, अर एक अभि तक नि ऐ, मगर जब उ आलु, त उ भि कुछ बगत तक ही रालु।

दिब्य दरस 17:11

अर वु दैंत जु पैलि ज्यून्द छौ पर अब ज्यून्द नि च, मगर फिर से ज्यून्द ह्‍वेके आलु उ खुद आठु राजा होलु। अर वु ऊं सात राजों का जन दुष्‍ट होलु, अर वेन भि नास ह्‍वे जाण।

दिब्य दरस 17:13

अर यों सभ्यों की सोच एक ही जन च, अर ऊ अपणी-अपणी ताकत अर अपणु अधिकार वे दैंत तैं दे द्‍याला।

दिब्य दरस 17:17

अर परमेस्वर ऊंका मनों मा या बात डललु कि वु राजा वेकी मनसा तैं पूरु कैरा, ताकि वु वे दैंत तैं अपणु-अपणु राज्य दे द्‍या, जबरि तक कि परमेस्वर को बुलयूं वचन पूरु नि ह्‍वे जौ।

दिब्य दरस 17:6

अर मिन देखि कि वा जनानि बिस्वासी लोगु को अर यीशु की गवै देण वळो को ल्वे पी के नसा मा धुत होईं च। अर यू देखि के मि भौत हैरान ह्‍वे ग्यों।

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।