दिब्य दरस 11:6 - Garhwali

⁶ अर ऊंका पास इन अधिकार च कि ऊ आसमान तैं बन्द कैरी सकदिन, ताकि जौं दिनों मा ऊ भविष्यबाणी करला ऊं दिन मा आसमान नि बरखो, अर पाणि तैं ल्वे बणण को अर जब ऊ चा तब धरती पर बड़ी-बड़ी महामारी भेजि सकदिन।

गढवली नयो नियम

⁶ पिता परमेश्वर ल ऊं तैं संदेश दींणै की घोषणा का दौरान स्वर्ग बट्टी बरखा तैं रुकणु को अधिकार दियुं च। ऊं तैं सभि पांणी पर अधिकार च, कि वे तैं ल्वे बणा, अर धरती पर सभि किस्म की भयानक आपदाओं तैं चोट पौछांणो कु अधिकार भि मिल्युं च। उ जथग बार भि चाहा उथग बार इन कैर सकदींनि।

दिब्य दरस 11:6 Iomraidhean Croise

लूका 4:25

“अर मि तुम बटि सच्‍च बोन्‍नु छौं कि, एलिय्याह रैबर्या का दिनों मा जब सढ़े तीन साल तक सरग नि बरखी, अर पूरा देस मा अकाळ पोड़ि छौ, त उबरि इस्राएल मा भौत सरी विधवा छै।

दिब्य दरस 11:3

अर मि अपणा दुई गवा तैं इन ताकत द्‍यूलु, कि ऊ टाट पैरि के सढ़े तीन साल तक भविष्यबाणी करला।”

दिब्य दरस 16:3

फिर दुसरा स्वर्गदूत न अपणु कटोरा समुन्दर मा अखणै दिनी, अर समुन्दर को पाणि मुरयां मनखियों का ल्वे जन ह्‍वे गै अर ईं वजै से समुन्दर मा रौण वळा सब जीव-जन्तु मोरि गैनी।

दिब्य दरस 16:4

तब तिसरा स्वर्गदूत न अपणु कटोरा तैं गाडो अर पाणि का छोयों पर अखणै दिनी, अर वु ल्वे बणि गैनी।

दिब्य दरस 8:8

अर जब दुसरा स्वर्गदूत न बिगुला बजै, तब समुन्दर मा कुई चीज ढुळै गै जन की एक बड़ु पाड़ जै पर आग लगीं छै। अर इन होण से समुन्दर का तीन हिस्सों मदि एक हिस्सा ल्वे बणि गै।