दिब्य दरस 11:3 - Garhwali

³ अर मि अपणा दुई गवा तैं इन ताकत द्‍यूलु, कि ऊ टाट पैरि के सढ़े तीन साल तक भविष्यबाणी करला।”

गढवली नयो नियम

³ “वे बगत मि अपड़ा द्वी गवाहों तैं यु अधिकार दयुलु कि टाट ओढ़ी के एक हजार द्वी सौ साठ दिन तक भविष्यवाणी करला।”

दिब्य दरस 11:3 Iomraidhean Croise

मत्ती 11:21

यीशु न बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि के पस्ताप कैरी देण छौ।

मत्ती 18:16

अर अगर वु तेरी बात नि माणो, त एक या दुई आदमियों तैं अफ दगड़ा मा लि जा, ताकि परमेस्वर को यू वचन पूरु ह्‍वे जौ। अर वु इन च कि, “‘दुई या तीन लोगु का द्‍वारा या बात साबित की जौ।’

लूका 10:13

तब यीशु न इन बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोग न कभि टाट ओड़ि के अर छारा मा बैठि के पस्ताप कैरी देण छौ।

लूका 24:48

अर तुम सब यों बातों का गवा छाँ।

यूहन्ना 15:27

अर तुम भि मेरी गवै दिल्या, किलैकि तुम शुरु बटि ही मेरा दगड़ा मा छाँ।”

यूहन्ना 3:27

तब यूहन्‍ना न बोलि, “जबरि तक मनखि तैं परमेस्वर की तरफा बटि नि दिये जौ, तबरि तक उ कुछ नि पै सकदु।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

खास चेलों 13:31

अर भौत दिनों तक प्रभु यीशु अपणा खास चेलों तैं दिखै जु वेका दगड़ा मा गलील मुलक बटि यरूशलेम नगर मा अयां छा, अर अब यू ही वु लोग छिन जु कि और लोगु का समणि वेका गवा छिन।

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

2 कुरिन्थि 13:1

हे मेरा भै-बैंणो, अब मि तिसरी दौं तुम से मिलण वळु छौं। अर जन कि पवित्रशास्‍त्र मा लिख्यूं भि च कि, “कै भि इळजाम की सच्‍चै दुई या तीन गवाओ का द्‍वारा ही साबित की जौ।”

इफिसुस 4:11

अर वेन कुछ लोगु तैं खास चेला होण खुणि ठैरै, अर कुछ तैं रैबर्या बणै, अर कुछ लोगु तैं शुभ समाचार सुनौण वळु, अर कुछ लोगु तैं देख-रेख करण वळु, अर कुछ लोगु तैं वेन उपदेस देण वळु ठैरै।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

दिब्य दरस 11:2

पर मन्दिर का भैर वळा बरण्डा तैं छोड़ि दे वेतैं नि नाप, किलैकि उ ऊंतैं दिये गै जु यहूदी जाति का नि छिन, अर यू लोग सढ़े तीन साल तक पवित्र नगर का लोगु पर जुलम करला।

दिब्य दरस 11:6

अर ऊंका पास इन अधिकार च कि ऊ आसमान तैं बन्द कैरी सकदिन, ताकि जौं दिनों मा ऊ भविष्यबाणी करला ऊं दिन मा आसमान नि बरखो, अर पाणि तैं ल्वे बणण को अर जब ऊ चा तब धरती पर बड़ी-बड़ी महामारी भेजि सकदिन।

दिब्य दरस 12:6

अर वा जनानि निर्जन जगा कू भागी गै जख परमेस्वर न वीं खुणि एक जगा तयार कैरिके रखी छै, ताकि उख वींको पालन-पोसण सढ़े तीन साल तक हो।

दिब्य दरस 13:5

अर वेतैं बड़ी-बड़ी बात बुलण को, अर परमेस्वर की बुरै करणु की इजाजत दिये गै, पर या इजाजत परमेस्वर न वेतैं सिरफ सढ़े तीन साल तक की ही दिनी।

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।