दिब्य दरस 1:3 - Garhwali

³ धन्य च उ जु ईं भविष्यबाणी का वचनों तैं पढदु, अर धन्य छिन वु लोग भि जु यों वचनों तैं सुणदिन, अर या मा लिखीं बातों को पालन करदिन, किलैकि यू सब बात पूरि होण वळी छिन।

गढवली नयो नियम

³ पिता परमेश्वर हर वे आदिम तैं आशीष दयालो जु ईं भविष्यवाणी तैं दूसरों तैं पढ़ी के सुणांलो, अर उ हर वे आदिम तैं आशीष दयालो जु यु तैं सुणदो अर यु तैं मणद, किलैकि यु सब बात अर चीज भौत जल्द ही होली।

दिब्य दरस 1:3 Iomraidhean Croise

मत्ती 24:15

अर यीशु न ऊंकू इन भि बोलि, “परमेस्वर का रैबर्या दानिय्येलळ न अपणी किताब मा एक खण्डर करण वळी खतरनाक अर भौत बुरी चीज का बारा मा लिख्यूं च। अर एक दिन तुम दिखल्या कि वा बुरी चीज परमेस्वर की पवित्र जगा तैं अशुद्ध करली (जु पढणु च उ ईं बात तैं समझि ल्यो)।

लूका 11:28

पर वेन बोलि, “धन्य त ऊ छिन जु परमेस्वर का वचन तैं सुणदिन अर वेका मुताबिक चलदा भि छिन।”

रोमियों 13:11

अर इन इलै कैरा किलैकि हम एक इन्द्रया बगत मा जीणा छां जु कि भौत अनमोल च। हे मेरा दगड़्यों, अब सिण को बगत नि रै गै, उठा, किलैकि बगत नजदीक ऐ गै। अर जब हमुन बिस्वास कैरी छौ, तब से लेके अभि तक हमरु बचयै जाण को बगत भि और नजदीक ऐ गै।

रोमियों 13:12

अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

2 पतरस 3:8

मगर हे मेरा प्यारा भै-बैंणो, तुम ईं बात तैं याद रखा, कि प्रभु कि नजर मा एक दिन हजार साल का बराबर अर हजार साल एक दिन का बराबर होन्दु च।

दिब्य दरस 22:10

तब वेन मिकू बोलि, “ईं किताब मा लिखीं भविष्यबाणी की बातों तैं नि छिपौ, किलैकि ऊंको पूरु होण को बगत नजदीक ऐ गै।

दिब्य दरस 22:12

तब यीशु न मिकू बोलि, “देख मि जल्द ही औण वळु छौं, अर हरेक मनखि तैं वेका कामों का मुताबिक बदला मा दिये जालु।

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।

दिब्य दरस 3:11

“मि भौत जल्द औण वळु छौं। जु कुछ तुमरा पास च वेतैं थामि के रखा, ताकि कुई भि तुम बटि तुमरो मुकुट नि छिनी सैको।