फिलिप्पी 2:4 - Garhwali

⁴ अर तुम मा बटि कुई भि अपणी ही भलै खुणि ना, बल्किन मा दुसरो की भलै का बारा मा भि सोचा।

गढवली नयो नियम

⁴ हर एक अपड़ी ही भलै की न पर दुसरों कि भलै कि भि चिंता कैर।

फिलिप्पी 2:4 Iomraidhean Croise

मत्ती 18:6

फिर यीशु न अपणा चेलों कू इन भि बोलि, “अगर तुम मा बटि कुई भि यों छुटो तैं जु कि मि पर बिस्वास करदिन, अगर कै एक तैं भि पाप का बाटा पर लि जान्दु, त वे मनखि खुणि यू जादा ठिक च, कि वेका गौळा मा जंदरु डालि के वेतैं समुन्दर मा ढुळै जौ। मगर या सजा भि वे मनखि खुणि कम च, किलैकि इन्द्रया मनखि तैं येसे भि जादा खतरनाक सजा मिलण।

रोमियों 12:15

अर खुशी मनौण वळो का दगड़ा मा तुम भि खुशी मणा, अर जु दुख मा रुंणा छिन तुम भि ऊंका दगड़ा मा रुवा।

रोमियों 15:1

हे मेरा दगड़्यों, हम जु अपणा बिस्वास मा मजबूत छां, हमतै ऊं लोगु की कमजोरियों तैं सै लेण चयेणु जु कि बिस्वास मा मजबूत नि छिन। अर हरेक जगा मा हमतै अपणी ही खुशी नि दिखण चयेणी।

1 कुरिन्थि 10:24

हरेक मनखि अपणा ही भलै की चिन्ता नि कैरो, बल्किन मा दुसरो की भलै की भि चिन्ता कैरो।

2 कुरिन्थि 11:29

अर जब मि ऊं लोगु का बारा मा सुणदु जु कि बिस्वास मा मजबूत नि छिन त मि ऊंका दगड़ा मा जादा सख्‍तै नि दिखान्दु, पर ऊंकी मदद करण की पूरि कोसिस करदु। अर जब कुई मनखि कै बिस्वासी भै-बैंण तैं पाप मा फंसै देन्दु त मितैं वे देखि के भौत गुस्सा औन्दु।

2 कुरिन्थि 6:3

हे मेरा भै-बैंणो, मि अर मेरा दगड़्या इन्द्रयो कुई भि काम नि करद्‍यां, ज्यां से कि परमेस्वर को रैबार ही बदनाम ह्‍वे जौ।

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

याकूब 2:8

अर पवित्रशास्‍त्र मा परमेस्वर का राज का नियम-कानूनों का मुताबिक जु लिख्यूं च, अगर तुम वेको पालन करद्‍यां, त तुम ठिक ही करद्‍यां। अर उ नियम यू च कि, “तुम अपणा पड़ोसी बटि, अफ ही जन प्यार कैरा।”