फिलिप्पी 2:17 - Garhwali

¹⁷ अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

गढवली नयो नियम

¹⁷ प्रभु पर तुम्हरो विश्वास अर वेका प्रति तुम्हरी सेवा परमेश्वर तैं चढै गै बलिदान का जन च। जु उ मि तैं मारि भि डलला, त मि वे दाखरस का जन होलो जै तैं याजक तुम्हरा बलिदान का मथि एक पीणै की भेंट कैरी के अखणांद कि बलिदान तैं पूरो कैरो।

फिलिप्पी 2:17 Iomraidhean Croise

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

खास चेलों 21:13

मगर पौलुस न ऊंकू बोलि, “तुम रुवे-रुवे के मेरु हौसला किलै कम कना छाँ? मेरी बात को यकीन कैरा, मि प्रभु यीशु का नौ का खातिर यरूशलेम नगर मा बन्धी बणणु खुणि ही ना, बल्किन मा मुरण खुणि भि तयार छौं।”

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

रोमियों 15:16

अर या किरपा मि पर इलै ह्‍वे, ताकि मि ऊं लोगु का बीच मा काम कैरी सैको जु कि यहूदी जाति का नि छिन। अर ये काम खुणि ही मि यीशु मसीह का सेवक का रुप मा चुणै ग्यों, अर मिन पिता परमेस्वर का शुभ समाचार की शिक्षा तैं लोगु का बीच मा पौछाण को काम कैरी। अर यू सब त इलै ह्‍वे, ताकि जु लोग यहूदी जाति का नि छिन ऊं लोगु तैं पिता परमेस्वर स्वीकार कैरो। अर सब पवित्र आत्मा का द्‍वारा एक भेंट का रुप मा वेतैं चड़ये जा।

2 कुरिन्थि 12:15

इलै मि तुमरा फैदा खुणि जु कुछ कैरी सकदु छौ, वु सब कुछ मि खुशी से करलु इख तक कि खुद तैं भि तुम खुणि दे द्‍यूलु। अर जब मि तुम से इथगा प्यार करदु, त क्या तुमतै भि मिसे प्यार नि करण चयेणु?

2 कुरिन्थि 4:12

अर ईं बात से साफ पता चलदु कि हमरा चौतरफि मौत रिंगणी च, पर हमतै खुशी ईं बात की च कि तुम लोगु खुणि यां को नतीजा सदनि को जीवन च।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

2 कुरिन्थि 7:4

अर मितैं तुम पर पूरु यकीन च, अर तुमतै देखि के मेरु मोन बड़ु ह्‍वे जान्दु। अर तुमरा द्‍वारा मेरा मन तैं बड़ी दिलासा मिलदी, अर हरेक किसम की परेसानी मा भि हमतै बड़ी खुशी मिलदी।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

फिलिप्पी 2:18

मि तुम बटि बिन्ती करदु, कि तुम भि इन्‍नि खुशी मणा, अर मेरा आनन्द मा सामिल ह्‍वे जा।

फिलिप्पी 2:30

किलैकि यीशु मसीह का काम का खातिर वेन अपणी जान की भि बाजी लगै दिनी इख तक की उ मुरण वळु छौ। अर इपफ्रुदीतुस भै न मि खुणि सेवा को उ काम भि पूरु कैरी जैतैं तुम लोग दूर रै के नि कैरी सकद्‍यां।

फिलिप्पी 4:18

अर भै इपफ्रुदीतुस का हाथों जौं चीजों तैं तुमुन मि खुणि भेजि, ऊंतैं पैके मि भौत खुश छौं, यू उपहार परमेस्वर तैं पसन्द औण वळा बलिदान का जन छिन ज्यां से की उ भौत खुश होन्दु। हालांकि, मेरा पास सब कुछ च अर मि भरपूर छौं।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

1 थिस्सलुनीकी 2:8

अर हमतै तुम बटि इथगा लगौ ह्‍वे गै कि हमुन तुमतै नऽ त केवल परमेस्वर को शुभ समाचार सुणै, बल्किन मा तुम खुणि अपणा पराण तैं भि देणु कू तयार ह्‍वे ग्यां, किलैकि हम तुम बटि प्यार करद्‍यां।

2 तीमुथियुस 4:6

अर जख तक मेरी बात च, त या बात मि इलै बोन्‍नु छौं, किलैकि अब मेरा जीवन तैं अरपण करण को बगत याने की अब ईं दुनियां बटि विदै लेण को बगत ऐ गै।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 यूहन्ना 3:16

अर यीशु मसीह न हमरा खातिर अपणी जान दे दिनी, अर यां से ही हमतै इन पता चलि कि प्यार क्या होन्दु? इलै हमतै भि एक-दुसरा खुणि अपणी जान देण चयेणी।