फिलिप्पी 1:23 - Garhwali

²³ अर मि यों दुई बातों तैं लेके बड़ा घंघतोळ मा पोड़्यूं छौं, मोन त मेरु इन बोन्‍नु च कि ईं दुनियां बटि विदै लेके मि यीशु मसीह का पास चलि जौ, किलैकि या ही बात मि खुणि सबसे जादा खूब च।

गढवली नयो नियम

²³ अर मि यूं द्वी का बीच नि जंणदु की कै तैं चुणु, ज्यू त इन बुल्णु च कि मोरि जौं अर सदनी कु यीशु मसीह का दगड़ा मा रौं, किलैकि यु त भौत ही अच्छो च

फिलिप्पी 1:23 Iomraidhean Croise

लूका 12:50

अर मिन एक बपतिस्मा लेण, अर जबरि तक यू बपतिस्मा नि ले ल्यूं तबरि तक मिन इन्‍नि बेचैनी मा ही रौण?

लूका 23:43

अर यीशु न वेकू बोलि, “मि त्वे बटि सच्‍च बोन्‍नु छौं, कि आज ही तू मेरा दगड़ा स्वर्ग मा होलि।”

लूका 8:38

पर जै मनखि मा बटि खबेस निकळ्यां छा वेन यीशु बटि बिन्ती कैरी, कि मितैं अपणा दगड़ा मा रौण द्‍या। मगर यीशु न वेतैं विदा कैरिके बोलि,

यूहन्ना 12:26

अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्‍यालु।

यूहन्ना 13:1

अर फसह का त्योवार से पैलि यीशु जाणि गै, कि दुनियां तैं छोड़ि के पिता का पास चलि जाणु को बगत नजदीक ऐ गै। तब वेन जु वेका दगड़ा मा रौन्दा छा, ऊंतैं जन प्यार उ पैलि करदु छौ, उन्‍नि प्यार उ आखिरी का दिन तक कनु रै।

यूहन्ना 14:3

अर जब मि जैके तुम खुणि जगा तयार कैरी द्‍यूलु, त फिर ऐके तुमतै भि अपणा इख लि जौलु ताकि जख मि रौ उख तुम भि रा।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

खास चेलों 7:59

जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।”

2 कुरिन्थि 5:8

इलै ही मि इन बुल्दु कि हम लोग हिम्मत नि छुड़द्‍यां, बल्किन मा हम त ये सरील तैं छोड़ि के प्रभु यीशु का दगड़ा मा रौण चाणा छां।

2 कुरिन्थि 6:12

अर हम तुमरा दगड़ा मा कुई गळत बरतौ नि करद्‍यां, किलैकि हम तुम से प्यार करद्‍यां, मगर तुम यू बता कि तुमतै क्या ह्‍वे गै?

फिलिप्पी 1:24

मगर तुम लोगु का खातिर मि खुणि ईं दुनियां मा ज्यून्द रौण जादा जरुरी च।

1 थिस्सलुनीकी 2:1

हे मेरा भै-बैंणो, तुम खुद ही जणद्‍यां कि हमरु तुमरा पास औण बेकार नि गै।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

1 थिस्सलुनीकी 4:17

तब वेका बाद जु हम वे बगत पर ज्यून्दा अर बच्यां रौला, त ऊंका दगड़ा मा बादळु मा मथि उठये जौला, ताकि प्रभु बटि हम आसमान मा मिली सैका अर तब सदनि खुणि हम प्रभु का दगड़ा मा रौला।

2 तीमुथियुस 4:6

अर जख तक मेरी बात च, त या बात मि इलै बोन्‍नु छौं, किलैकि अब मेरा जीवन तैं अरपण करण को बगत याने की अब ईं दुनियां बटि विदै लेण को बगत ऐ गै।

दिब्य दरस 14:13

फिर मिन स्वर्ग बटि एक आवाज सुणी कि, “हे यूहन्‍ना ईं बात तैं लिख ले, ‘धन्य छिन ऊ लोग जु अब प्रभु पर बिस्वास रखी के मुरदिन।’” अर पवित्र आत्मा भि इन बोन्‍नु च कि, “हाँ धन्य छिन वु लोग, जौन धरती पर दुख-तकलीफ तैं सै अर भलै का काम करिनी, इलै अब ऊंतैं स्वर्ग मा इनाम दिये जालु।”