अर उ बिस्वासी समुदाय का सब लोगु तैं पूरि तरौं से एक कैरिके रखदु, ज्यां से की हरेक मनखि अपणा-अपणा बुलये जाण का मुताबिक काम कैरी सैको। अर समुदाय को हरेक मनखि इन इलै कैरो, ताकि हरेक बिस्वासी वचन मा अगनै बढी सैको। अर मसीह जु कि बिस्वासी समुदाय को मुण्ड़ च वेको पूरु सरील खूब रौ, हम हरेक दिन बढदी जां अर वेका प्यार मा जड़ भि पकड़दी जां।
इफिसुस 4:12 - Garhwali12 अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्की कैरो। Faic an caibideilगढवली नयो नियम12 वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा। Faic an caibideil |
इफिसुस 4:12
45 Iomraidhean Croise
इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्ति करणु खुणि एक जगा इकट्ठा होनद्यां, त पवित्र आत्मा का द्वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्वारा किये जान्दु, ताकि एक-दुसरे की तरक्की हो अर सब लोग आत्मिक रुप से मजबूत होन्दी जा।
अर जु बिस्वासी समुदाय का मुखिया लोग छिन, तुम ऊंकी आज्ञा माणा अर ऊंका अधीन मा रा, किलैकि वु तुमरा जीवन खुणि बड़ी चिन्ता करदिन, अर वु भौत अच्छे से जणदिन कि ऊंतैं तुमरा जीवन को हिसाब-किताब परमेस्वर तैं देण पोड़लु। अर तुम ऊंकी बात को पालन कैरा, ताकि वु खुशी से ये काम तैं कैरी सैका ना कि दुखी ह्वेके। किलैकि अगर जु वु दुखी छिन त वां से तुमतै कुई फैदा नि च।
इलै हे मेरा दगड़्यों, आ, अर जु कुछ भि हमतै यीशु मसीह का बारा मा पैलि सिखये गै हम वीं ही शिक्षा मा नि बणयां रा, बल्किन मा बड़ा होण का नाता और भि जादा अगनै बढा अर मजबूत होन्दी जा। अर अब तुमतै यू सब बात बतौण की जरुरत नि छिन कि आखिर हमतै वु सब काम किलै छुड़ण चयेणा जु कि मौत कि तरफा लेके जनदिन, अर हमतै पिता परमेस्वर पर किलै भरोसा रखण चयेणु।
हे मेरा प्यारा भै-बैंणो, अर तुम अभि तक इन समझणा ह्वेल्या कि हम अपणी सफै देणा छां, पर मि यू सब बात इमानदारी से बुलणु छौं, किलैकि मेरु रिश्ता प्रभु यीशु मसीह का दगड़ा मा च अर पिता परमेस्वर मेरी सब बातों तैं सुनणु च। इलै जु कुछ भि मि बुल्दु या करदु छौं वु सब कुछ तुमरा फैदा खुणि ही च, ताकि तुमरो बिस्वास मजबूत ह्वे जौ।
हे मेरा भै-बैंणो, अब मि आखिरी मा तुमकु इन बोन्न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।
Sanasan