इफिसुस 3:8 - Garhwali

⁸ अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

गढवली नयो नियम

⁸ जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

इफिसुस 3:8 Iomraidhean Croise

लूका 14:22

तब नौकर न वेकू बोलि, ‘साब, जन तुमुन बोलि छौ ठिक उन्‍नि किये गै, पर इख त अभि भि जगा खालि च।’

यूहन्ना 1:16

अर वेकी भरपूर किरपा बटि हम सभ्यों तैं आसीस पर आसीस मिली।”

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

खास चेलों 9:15

मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

रोमियों 11:33

पिता परमेस्वर की महानता का बारा मा बतौण बड़ु कठिन च। अर वेकी अकल और ज्ञान को कुई अन्त नि च, किलैकि जौं बातों को फैसला उ लेन्दु, वु लोगु की सोच-समझ से भैर छिन, अर ना कुई वेका तौर-तरीकों तैं समझि सकदु।

रोमियों 12:10

अर अपणा आपस मा भै-बैंणो की तरौं सच्‍चा दिल से प्यार कैरा, अर हमेसा एक-दुसरो को आदर-सम्मान कैरा।

रोमियों 2:4

अर एक बात बता, क्या तुम लोग परमेस्वर की किरपा, अर वेकी सौण की ताकत, अर हमेसा का धन तैं सुद्‍दी समझद्‍यां? क्या तुम लोग इन नि समझद्‍यां, कि परमेस्वर की किरपा तुमरा मन तैं बदळणु खुणि सिखौणि रौन्दी?

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 15:9

अर खास चेलों मा मि सबसे छुटो छौं, मि त इथगा लैख भि नि छौ कि मिकू खास चेला बुले जौ। किलैकि मिन ज्यून्दा परमेस्वर का समुदाय तैं सतै, जु की यीशु मसीह पर बिस्वास करदिन।

1 कुरिन्थि 2:9

मगर जन कि पवित्रशास्‍त्र मा भि लिख्यूं च कि, “जु बात आंख्यों न नि दिखिनी अर ना ही कन्दूड़ो न सुणिनी, अर जु बात मनखियों का ख्याल मा भि नि ऐनी, ऊं सानदार बातों तैं परमेस्वर न ऊं खुणि तयार कैरिके रख्युं च, जु वेसे प्यार करदिन।”

गलातियों 1:16

वु अपणा पुत्र तैं मि पर परगट कैरो, ताकि मि वेका पुत्र यीशु मसीह को परचार ऊं लोगु का बीच मा जैके कैरुं जु यहूदी जाति का नि छिन। अर जब मेरा दगड़ा मा इन ह्‍वे, त मि तुरन्त सला लेणु खुणि कै मनखि का पास नि ग्यों।

गलातियों 2:8

(किलैकि जै परमेस्वर न पतरस भै तैं खास चेला का रुप मा काम करण की ताकत दिनी, वेन ही मितैं भि ऊं लोगु का बीच मा काम करण की ताकत दिनी, जु यहूदी जाति का नि छिन)।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

इफिसुस 3:16

उ अपणी पवित्र आत्मा का द्‍वारा अपणा महान कुठार बटि तुम सभ्यों तैं इन दान द्‍यो, ताकि तुम अपणी आत्मा मा और भि जादा मजबूत होन्दी जा।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

इफिसुस 3:2

अर तुम लोगु न यू जरुर सुणी होलु, कि पिता परमेस्वर न मितैं तुम लोगु की भलै खुणि अपणी महान किरपा का मुताबिक सेवा को काम सौप्युं च। हाँ, तुम लोगु खुणि ही तुम जु कि यहूदी जाति का नि छाँ।

फिलिप्पी 2:3

अर याद रखा, कि यू सब तुम अपणा फैदा अर झूठ्‍ठी बडै खुणि नि कैरा, मगर नमर बणि के एक-दुसरा तैं अफ से जादा खूब समझा।

फिलिप्पी 4:19

मि इन प्रार्थना करदु, कि पिता परमेस्वर तुमरि हरेक जरुरत तैं यीशु मसीह की बेशुमार दौलत मा बटि पूरु कैरो।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

1 तीमुथियुस 1:13

हालांकि, मि पैलि वेकी बेजती करण वळु, वेका लोगु तैं सतौण वळु अर हुणदंग मचौण वळु छौ, पर फिर भि वेन अपणी दया मि पर कैरी। किलैकि तब मि यीशु मसीह पर बिस्वास नि करदु छौ, अर नि जणदु छौ कि मि क्या कनु छौ।

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

दिब्य दरस 3:18

इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।