इफिसुस 3:5 - Garhwali

⁵ अर पैलि जमना का लोगु का बीच मा उ राज ये तरीके से ऊं पर परगट नि किये गै, जन की वेन आज का दिन पवित्र आत्मा का द्‍वारा हम पर परगट कैरी। हम जु कि पवित्र खास चेला अर वेका रैबर्या छां।

गढवली नयो नियम

⁵ जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।

इफिसुस 3:5 Iomraidhean Croise

मत्ती 13:17

मि तुम बटि सच्‍च बोन्‍नु छौं, किलैकि परमेस्वर का भौत सा रैबर्या अर धरमी लोग यों सब कामों तैं दिखण चान्दा छा जौं तुम आज दिखणा छाँ, मगर ऊंन नि देखि सैकी। अर जौं बातों तैं तुम सुनणा छाँ ऊं बातों तैं वु सुनण चान्दा छा, मगर ऊंन नि सुणी सैकी।

मत्ती 20:7

ऊंन वेकू बोलि, ‘किलैकि साब, हमतै कैन भि ध्याड़ि पर नि रखी।’ वे मालिक न ऊंकू बोलि, ‘जा, मेरा अंगूर का बगिचा मा जैके ध्याड़ि को काम कैरा।’

मत्ती 23:34

“इलै सुणा, मि तुमरा पास रैबर्यों तैं, अर अकलमन्दो तैं, शास्‍त्री लोगु तैं भेजणु छौं, अर तुम ऊंमा बटि कुछो तैं मारी दिल्या, अर क्रूस पर चड़ै दिल्या। अर कुछो तैं अपणा प्रार्थना भवनों मा कोड़ा मरवैल्या, इख तक कि तुम नगर-नगर मा जैके ऊंतैं सतैल्या।

लूका 10:24

मि तुमतै बतै देन्दु, कि परमेस्वर का भौत सा रैबर्या अर राजाओं न चै कि ऊ यू सब देखा, जौं तैं तुम दिखणा छाँ मगर वु देख नि सकिनी। अर जौं बातों तैं तुम सुनणा छाँ, ऊं बातों तैं वु सुनण चान्दा छा, मगर ऊंन नि सुणी सैकी।”

लूका 11:49

इलै परमेस्वर की अकल न बोलियालि छौ कि, ‘मि ऊंका पास रैबर्यों अर खास चेलों तैं भेजलु। अर वु लोग यों भेज्यां लोगु मा बटि कुछ लोगु तैं सताला अर कुछो तैं त मारी भि द्‍याला।’

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

खास चेलों 10:28

अर वेन ऊंकू बोलि कि, “तुम लोग त जणदा ही छाँ, कि कै भि यहूदी जाति का मनखि तैं दुसरि जाति का लोगु का दगड़ा मा कन्द्रयो भि मेल-जोल रखण या ऊंका इख जाण, हमरा नियम-कानूनों का खिलाप मा च। मगर फिर भि परमेस्वर न मितैं इन दिखै, कि मि कै भि मनखि तैं इन नि समझु, कि वु पवित्र नि च या परमेस्वर कैतैं स्वीकार नि करदु।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

1 कुरिन्थि 2:10

अर पिता परमेस्वर न तयार करीं बातों तैं हम पर पवित्र आत्मा का द्‍वारा परगट कैरी, किलैकि वेको पवित्र आत्मा सब बातों की छानबीन करदु, इख तक कि परमेस्वर का सब गैरा राजों को भि।

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

इफिसुस 3:9

अर पिता परमेस्वर जैन सब चीजों तैं बणै, अर वेमा ही यू सब बात पैलि छिपी छिन वे ही परमेस्वर न मितैं यू काम सौंपी, कि मि सब लोगु तैं वीं महान योजना का बारा मा बतौ।

2 पतरस 3:2

ताकि तुम परमेस्वर का पवित्र रैबर्यों का द्‍वारा पैलि बटि बुलयां वचन तैं याद कैरा। अर हमरा परमेस्वर अर बचौण वळा प्रभु की आज्ञाओं तैं जु कि तुमतै खास चेलों का द्‍वारा दिये गैनी, ऊं सब बातों तैं अपणा ध्यान मा रखा।

यहूदा 1:17

पर हे मेरा प्यारा भै-बैंणो, तुम ऊं बातों तैं जरुर याद रखा जौं तैं हमरा प्रभु यीशु मसीह का खास चेलों न पैलि ही बोलियालि छौ।