इफिसुस 1:18 - Garhwali

¹⁸ अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

गढवली नयो नियम

¹⁸ मि यु भि प्रार्थना करदु छों, कि उ सचै तैं समझण मा हमारी मदद करलो, कि तुम जणिल्या कि उ आस जैको वेल तुम तैं बुल्युं च उ क्य च, अर तुम जांणि सका कि उ आशीष कथग महान अर महिमामय च ज्यांको वादा परमेश्वर ल अपड़ा पवित्र लुखुं बट्टी करयुं च।

इफिसुस 1:18 Iomraidhean Croise

मत्ती 13:15

किलैकि यों लोगु को मन निठुर ह्‍वे गैनी, अर ऊ कन्दूड़ कम सुणदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा बिंगा, अर अपणा-अपणा पापों बटि पस्ताप कैरा, अर मि ऊंतैं माफ कैरी द्‍यो।’”

मरकुस 10:17

अर जब यीशु वे मुलक बटि निकळि के यरूशलेम नगर कू जाणु छौ, त एक मनखि भागी के वेका पास ऐ, अर वेका अगनै घुंडा टेकी के वेसे पूछी, “गुरुजी, तुम अच्छा गुरु छाँ, सदनि का जीवन को हकदार होण खुणि मि क्या जि कैरुं?”

लूका 24:45

तब यीशु न पवित्रशास्‍त्र मा लिखीं बातों तैं समझणु खुणि ऊंकी समझ खोली दिनी।

खास चेलों 16:14

अर ऊंमा बटि लुदिया नौ की एक जनानि छै अर वा थुआतीरा नगर की छै, वा परमेस्वर की भक्‍त छै अर बैंगनि रंग का कपड़ों को व्यापार करण वळी छै। अर प्रभु न वींका मन तैं खोली दिनी, ताकि वा पौलुस की शिक्षा तैं ध्यान से सुणी सैको।

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

रोमियों 11:29

अर पिता परमेस्वर ऊं लोगु खुणि अपणा विचार नि बदल्दु, जौं लोगु तैं वु दान-बरदान देके अपणा पास बुलान्दु।

रोमियों 2:4

अर एक बात बता, क्या तुम लोग परमेस्वर की किरपा, अर वेकी सौण की ताकत, अर हमेसा का धन तैं सुद्‍दी समझद्‍यां? क्या तुम लोग इन नि समझद्‍यां, कि परमेस्वर की किरपा तुमरा मन तैं बदळणु खुणि सिखौणि रौन्दी?

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

गलातियों 5:5

मगर हम लोग यीशु मसीह पर बिस्वास करण का द्‍वारा परमेस्वर का समणि धरमी होण कि आसा रखद्‍यां। अर पवित्र आत्मा कि मददळ हम ईं बात को इंतजार बेसबरि से कना छां।

इफिसुस 1:11

अर पिता परमेस्वर न यीशु मसीह का द्‍वारा हमतै अपणु वारिस बणै। अर परमेस्वर न यू अपणी योजना का मुताबिक कैरी, अर वु सब कुछ अपणी मरजी का हिसाब से करदु।

इफिसुस 1:7

अर यीशु मसीह न क्रूस पर अपणु बलिदान देके जु ल्वे बुगै वेका द्‍वारा ही हमतै छुटकारु, अर हमतै हमरा पापों से माफी मिलदी। अर यू सब हमतै पिता परमेस्वर की किरपा अर वेकी बड़ी दया का द्‍वारा मिली,

इफिसुस 2:12

अर वे बगत तुम लोग मसीह तैं जणदा नि छा। अर तुम लोग इस्राएल का लोगु खुणि एक परदेसी का जन छा, अर परमेस्वर न ऊं लोगु बटि जु करार कर्युं छौ, वामा तुमरो कुई हिस्सा नि छौ। असल मा तुम त ईं दुनियां मा बिना उम्मीद अर बिन परमेस्वर का जीवन जीण छा।

इफिसुस 3:16

उ अपणी पवित्र आत्मा का द्‍वारा अपणा महान कुठार बटि तुम सभ्यों तैं इन दान द्‍यो, ताकि तुम अपणी आत्मा मा और भि जादा मजबूत होन्दी जा।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

इफिसुस 4:4

किलैकि पिता परमेस्वर न हमतै एक होणु खुणि ही बुलयूं च, अर फिर मसीह को बदन भि एक ही च, अर एक ही पवित्र आत्मा अर ठिक उन्‍नि हम सभ्यों की भि एक ही आस च।

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

फिलिप्पी 3:14

अर मि अपणा मकसद की तरफा अटगंणु छौं, ताकि मि स्वर्ग मा वे इनाम तैं पै सैकु, ज्यां खुणि परमेस्वर न मितैं यीशु मसीह का द्‍वारा बुलयूं च।

कुलुसी 1:12

अर पिता परमेस्वर को धन्यवाद कना रा, किलैकि वेन तुमतै उज्याळा का राज मा अपणा पवित्र लोगु का दगड़ा मा रौण अर वारिस होण का लैख बणै।

कुलुसी 1:23

अर यू सब तभि ह्‍वे सकदु, जब तुम बिस्वास मा बणयां रा अर वेकी बुनियाद मा मजबूत ह्‍वेके टिक्यां रा, अर जु शुभ समाचार तुमुन सुणी वां से मिलण वळी आस तैं नि छोड़ा। अर ये ही शुभ समाचार को परचार हर जगा किये जाणु च, अर मि पौलुस ये काम को सेवक छौं।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

कुलुसी 2:2

अर या मेनत मि इलै करदु, ताकि तुम सभ्या का सभि एक-दुसरे कि हिम्मत बढै सैका, अर अपणा आपस मा बड़ा प्यार से मिली-जुली के रा। अर पिता परमेस्वर का ज्ञान का खजाना तैं तुम जाणि सैका ज्यां से की सच्‍चै की समझ मिलदी, अर तुम परमेस्वर का वे राज तैं भि पछ्याणी सैका, जु की यीशु मसीह का द्‍वारा परगट ह्‍वे।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

2 थिस्सलुनीकी 1:11

इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

1 तीमुथियुस 6:12

अर बिस्वास का बाटा बटि भटकी नि जै, बल्किन मा कड़ी मेनत कैर। अर वे ही बिस्वास तैं तिन भौत सा लोगु का समणि कबूल कैरी छौ। अर कखि सदनि का जीवन तैं ख्वे नि दे, ज्यां खुणि परमेस्वर न त्वेतै बुलयूं च।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

तीतुस 3:7

ताकि हम वेकी दया से परमेस्वर की नजर मा धरमी बणि सैका, अर सदनि को जीवन जीण की आस का मुताबिक वेका वारिस बणि जा।

इब्रानी 10:32

हे मेरा भै-बैंणो, अपणा पुरणा दिनों तैं याद कैरा, जब तुमुन परमेस्वर का उज्याळा तैं अपणा जीवन मा पै छौ अर वे बगत मा ईं दुनियां का द्‍वारा जु कुछ भि तुमुन सै वेका बदला मा तुमुन हार नि माणी, बल्किन मा बिस्वास मा बणयां रयां।

इब्रानी 6:4

अर जथगा भि लोग एक बार पिता परमेस्वर का उज्याळा मा ऐ गैनी, वेन ऊंतैं बयना का रुप मा पवित्र आत्मा अर वेका दगड़ा-दगड़ि दान-बरदान भि दिनी, अर जु लोग शुभ समाचार अर औण वळा बगत मा नई दुनियां का बारा मा जणदिन, अगर इन्द्रया लोग बिस्वास करण से दूर ह्‍वे जा, त इन्द्रया लोगु तैं फिर से बिस्वास मा वापस लौण बड़ु कठिन च। अर तुम ईं बात तैं भि जाणि ल्या कि इन्द्रया लोग परमेस्वर का पुत्र यीशु तैं फिर से क्रूस पर चडौन्दिन, अर सभ्यों का समणि वे पर कलंक लगौन्दिन।

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।