2 तीमुथियुस 4:21 - Garhwali

²¹ अर अब ह्‍यूँद को मैना औण से पैलि, जथगा जल्दी ह्‍वे सैको तीमुथियुस तू मेरा पास औण की कोसिस कैर। यूबूलुस, पूदेंस, लीनुस अर क्लौदिया, अर सब बिस्वासी भै-बैंणो की तरफा बटि तुमतै सलाम।

गढवली नयो नियम

²¹ ह्यूंद से पैली-पैली आंणै पूरी-पूरी कोशिश कैरी; यूबूलुस, अर पूंदेस, लीनुस अर क्लौदिया, का सब विश्वासी भैय त्वे कु प्रणाम बुल्णा छिन।

2 तीमुथियुस 4:21 Iomraidhean Croise

लूका 12:58

जब तू अपणा दुसमन का दगड़ा मा कै अधिकारी का पास जाणि रैलि, त अधा बाटा मा ही वेका दगड़ा सला कैरी दे, कखि इन नि हो कि उ त्वेतै न्याय करण वळा मा खैंची के लि जौ, अर न्याय करण वळु त्वेतै सिपयों का हवाला कैरी द्‍यो। तब सिपै त्वेतै जेलखाना मा डालि द्‍याला।

1 कुरिन्थि 16:20

सब बिस्वासी भै-बैंणा तुमकु सलाम बोन्‍ना छिन, अर तुम भि ठिक इन्‍नि पवित्र दिल से एक-दुसरे की भूकि पिके सलाम बोला।

2 कुरिन्थि 13:13

अर सब पवित्र लोग तुमकु बड़ा प्यार से सलाम बोन्‍ना छिन।

फिलिप्पी 4:22

सभि पवित्र लोगु तैं, अर खास कैरिके महाराजा का घौर का सब लोग भि तुम कू सलाम बुल्दिन

2 तीमुथियुस 1:4

अर तीमुथियुस जब तू मेरा बाना रुवे छै, ऊ सब मितैं याद औन्दु। अर मेरी इच्छा होन्दी कि मि त्वे बटि मिलु, ताकि मेरी खुशी को कुई ठिकाणु नि रौ।

2 तीमुथियुस 4:13

अर त्रोआस नगर मा करपुस भै का घौर मा मिन अपणु कोट छोड़ि दिनी, अर जब तू ऐलि त वे कोट तैं लेके ऐ। अर मेरी किताबों तैं भि खास कैरिके वीं किताब तैं भि ज्वा भेड़ का चमड़ाळ बणि च लेके ऐ।

2 तीमुथियुस 4:9

हे तीमुथियुस, जथगा भि जल्दी ह्‍वे सैको मेरा पास औण की कोसिस कैर।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।

2 यूहन्ना 1:13

हे मेरी प्यारी बैंण, तेरी चुणी बैंण का बच्‍चा त्वेकू सलाम बोन्‍ना छिन।

3 यूहन्ना 1:14

बल्किन मा मितैं इन उम्मीद च कि मि भौत जल्द त्वेसे मिललु, अर तब अमणि-समणि बात होलि।