2 तीमुथियुस 4:18 - Garhwali

¹⁸ अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

गढवली नयो नियम

¹⁸ अर प्रभु मि तैं हरेक बुरा काम बट्टी बचालो, अर अपड़ा स्वर्ग का राज्य मा मि तैं सुरक्षित लिजालो, वेकी महिमा जुग-जुग तक हूंणी रौ। आमीन।

2 तीमुथियुस 4:18 Iomraidhean Croise

मत्ती 13:43

अर धरमी लोग अपणा पिता परमेस्वर का राज मा सूरज का जन चमकला। जैका पास कन्दूड़ छिन, उ सुणी ल्यो।”

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

लूका 11:4

अर हमरा पापों तैं माफ कैरा, जन हम ऊंतैं माफ करद्‍यां, जु की हमरा खिलाप मा पाप करदिन, अर शैतान की बातों का द्‍वारा हम भकलै नि जा।’”

लूका 12:32

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

लूका 22:29

अर जन मेरा पिता न मितैं एक राज्य दियूं, तन्‍नि मि भि तुमतै एक राज्य देन्दु छौं,

यूहन्ना 17:15

अर मि इन प्रार्थना नि कनु छौं, कि तुम ऊंतैं दुनियां मा बटि उठे द्‍या, पर इन प्रार्थना कनु छौं, कि तुम ऊंतैं दुष्‍ट शैतान बटि बचै के रखा।

रोमियों 11:36

किलैकि सब कुछ पिता परमेस्वर न ही बणै, अर सब कुछ वेका द्‍वारा ही ह्‍वे, अर वे खुणि ही च। अर सदनि तक वेकी तारीफ होणी रौ। आमीन।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

1 कुरिन्थि 10:13

अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

2 कुरिन्थि 1:10

अर पिता परमेस्वर ही च जु कि हमतै मौत का बड़ा संकट से बचौन्दु, अर अगनै भि बचालु, किलैकि हम वे पर बिस्वास करद्‍यां अर उ हमतै औण वळा बगत मा भि बचालु।

गलातियों 1:5

वे परमेस्वर की बडै सदनि तक होणी रौ। आमीन।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

2 थिस्सलुनीकी 3:3

पर परमेस्वर बिस्वास का काबिल च, इलै उ तुमतै बिस्वास मा मजबूत बणै के रखलु, अर दुष्‍ट शैतान बटि बचै के रखलु।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

1 तीमुथियुस 6:16

अर बस उई परमेस्वर हमेसा खुणि ज्यून्द रालु, अर वेतैं कै मनखि न कभि नि देखि, अर ना ही कभि देखि सकदु। अर वु इन उज्याळा मा रौन्दु, कि वेका पास कुई भि नि जै सकदु, अर वेतैं हमेसा आदर-सम्मान मिललु, अर वेको राज्य सदनि खुणि रालु। आमीन।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

इब्रानी 11:16

मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

1 पतरस 5:11

अर वेकी ताकत ही सदनि तक रौ। आमीन।

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

यहूदा 1:1

हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।