2 तीमुथियुस 4:16 - Garhwali

^16-17 अर जब पैलि दौं रोम देस मा मेरु न्याय करण खुणि मितैं कचैरी मा खड़ु किये गै छौ, त मितैं बचौणु खुणि कैन भि गवै नि देई, किलैकि सब लोग मितैं छोड़ के चलि गै छा। मगर फिर भि मेरु प्रभु मेरा दगड़ा मा छौ अर वेन मितैं ताकत देई, ताकि मि शुभ समाचार का परचार तैं पूरु कैर सैकु, अर जु लोग यहूदी जाति का नि छिन ऊं सभ्यों तैं शुभ समाचार सुणो। अर परमेस्वर न मितैं मौत का गिच्‍चा बटि बचै, अर मि इन प्रार्थना करदु कि जु लोग मितैं छोड़ि के चलि गै छा, परमेस्वर ऊंतैं माफ कैरो।

गढवली नयो नियम

¹⁶ रोम शहर का न्यायलय मा मेरी पैली पेशी कि बात-चित का बगत मा, कैल भि मेरू दगड़ी नि कैरी बल्कि सभियूं ल मि तैं छोड़ेलि छो, मि प्रार्थना करदु कि पिता परमेश्वर ऊं तैं मि तैं छोड़णु कु माफ कैरी द्यो।

2 तीमुथियुस 4:16 Iomraidhean Croise

मरकुस 14:50

अर यू होण पर यीशु का सब चेला वेतैं छोड़ि के भागी गैनी।

लूका 12:11

अर जब वु लोग तुमतै प्रार्थना भवनों मा, सासन करण वळो अर अधिकारीयों का पास लि जाला, त अपणा बचाव की चिन्ता नि कर्यां कि हम क्या जि बोलुला।

यूहन्ना 16:32

देखा, अब उ बगत औणु च, बल्किन मा ऐ भि गै। जब तुम सभि मितैं इखुली छोड़ि के तितर-बितर ह्‍वे जैल्या, अर अपणा-अपणा बाटों पर चलि जैल्या। तभि भि मि इखुली नि छौं, किलैकि मेरु पिता मेरा दगड़ा मा च।

खास चेलों 22:1

अर पौलुस न ऊंकू बोलि, “हे मेरा भै-बैंणो अर बुजुर्ग लोगु, अब मि अपणा बचाव मा तुमरा समणि कुछ बोन्‍न चाणु छौं।”

खास चेलों 25:16

पर मिन ऊंतैं जबाब दिनी कि, हमरि ज्वा रीति च वेका मुताबिक आरोपी अर आरोप लगौण वळु मनखि जबरि तक अमणि-समणि नि हो, अर आरोपी मनखि अपणी सफै मा नि बोलो, तबरि तक हम वेतैं दण्ड देणु खुणि दुसरा लोगु का सुपुर्द नि कैरी सकद्‍यां।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

1 कुरिन्थि 13:5

नऽ त उ गळत बरतौ करदु, अर नऽ त गुस्सा करदु, अर ना ही बुरै करण वळा लोगु बटि बदला लेन्दु, इन्द्रयो मनखि अपणी ही भलै नि सुचदु, बल्किन मा एक-दुसरा तैं माफ करदु।

1 कुरिन्थि 9:3

अर जु लोग मि पर इळजाम लगौन्दिन, ऊंतैं मि इन ही जबाब देण चान्दु।

2 कुरिन्थि 7:11

देखा, परमेस्वर की मनसा का मुताबिक जु दुख तुमतै ह्‍वे वां से तुमरा भितर इथगा इच्छा पैदा ह्‍वे, कि तुमुन खुद पर लग्यां कलंक तैं दूर करण की हिम्मत दिखै। अर अपणी गळती पर तुम सरमसार होयां, अर तुमरा भितर परमेस्वर की डौऽर पैदा ह्‍वे, अर यां की वजै से जु जबरदस्त इच्छा अर जोस तुमरा भितर पैदा ह्‍वे, वेकी वजै से तुमुन अपणी गळती सुधारी अर इन साबित कैरी कि तुम ये मामला मा बेदाग छाँ।

फिलिप्पी 1:17

मगर कुछ लोग भला इरादा से मसीह का बारा मा नि सुणौन्दिन, पर विरोध की इच्छा रखी के परचार को यू काम करदिन, अर ऊंतैं इन लगदु कि इन कैरिके वु मितैं ईं कैद मा दुख दे सकदिन।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

2 तीमुथियुस 4:10

किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

2 तीमुथियुस 4:15

अर तीमुथियुस तू भि वे बटि बचि के रै, किलैकि जु कुछ भि हमुन सिखै वेन वेको भौत विरोध कैरी।

1 पतरस 3:15

पर यीशु मसीह तैं अपणु प्रभु जाणि के दिल से वेतैं पूरु आदर-सम्मान द्‍या। अर अगर कुई मसीह पर लगईं आस का बारा मा तुम से पूछो, त वेतैं जबाब देणु खुणि हमेसा तयार रा।