2 तीमुथियुस 4:12 - Garhwali

¹² अर तुखिकुस भै तैं मिन इफिसुस नगर मा भेज्यूं च।

गढवली नयो नियम

¹² तुखिकुस तैं मेरू इफिसुस नगर मा भिज्युं च।

2 तीमुथियुस 4:12 Iomraidhean Croise

खास चेलों 18:19

अर जब वु इफिसुस नगर मा पौंछिनी, त पौलुस न यों दुईयों तैं इखि छोड़ि दिनी, अर खुद प्रार्थना भवन मा जैके यहूदी लोगु का दगड़ा मा वाद-विवाद करण लगि गै।

खास चेलों 18:21

अर जब पौलुस उख बटि जाण लगि गै, त वेन इन बोलि के ऊं बटि विदै ले कि, “अगर जु परमेस्वर की इच्छा होलि, त मि तुम लोगु का पास फिर औलु।” तब पौलुस न इफिसुस नगर बटि पाणि का जाज से अपणी यात्रा शुरु कैरी।

खास चेलों 19:1

अर जब अपुल्‍लोस कुरिन्थि नगर मा छौ, त पौलुस मैंल्या मुलक बटि ह्‍वेके इफिसुस नगर मा पौंछी। अर वेतैं उख कुछ बिस्वासी लोग मिलिनी, अर पौलुस न ऊं बटि पूछी कि,

खास चेलों 20:25

पर सुणा, मि जणदु छौं कि तुम लोग जौं का बीच मा मिन परमेस्वर का राज को परचार कैरी, अब से तुमुन मितैं फिर नि दिखण।

खास चेलों 20:4

अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

इफिसुस 6:21

मि इन चान्दु, कि तुम लोग मेरा बारा मा जाणा, कि इख मि कै हालत मा छौं अर क्या कनु छौं। इलै मि तुमरा पास हमरा प्यारा भै तुखिकुस तैं भेजणु छौं, जु कि प्रभु की सेवा का काम मा मेरी मदद करण वळु, अर भरोसामन्द मनखि च। अर जब उ तुमरा पास आलु, त तुमतै हमरि हालत का बारा मा बतालु अर तुमरा दिलों की हिम्मत तैं भि बढालु।

कुलुसी 4:7

हे मेरा दगड़्यों, मेरा प्यारु भै तुखिकुस जु कि प्रभु की सेवा का काम मा मेरी मदद करण वळु अर भरोसामन्द मनखि च, जब उ तुमरा पास आलु, त मेरा बारा मा तुमतै सब कुछ बतै द्‍यालु।

1 तीमुथियुस 1:3

अर जब मि मकिदुनिया मुलक कू जाणु छौ, तब मिन त्वेतै इफिसुस नगर मा ही रौणु कू चितै छौ, ताकि उख जु लोग गळत शिक्षा देणा छिन, ऊंतैं तू आदेस देके समझौ, कि तुम लोग इन बेकार कि शिक्षा नि द्‍या।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।