2 तीमुथियुस 4:10 - Garhwali

¹⁰ किलैकि भै देमास न ईं दुनियां की चीजों तैं जादा प्यार कैरी, इलै उ मितैं छोड़ि के थिस्सलुनीकी नगर कू चलि गै। अर क्रेसकेंस भै गलाति नगर कू अर भै तीतुस भि दलमतिया नगर कू चलि गै।

गढवली नयो नियम

¹⁰ किलैकि देमास दुनिया कि मोह माया मा फंसिके मि तैं छोड़ी के थिस्सलुनीके शहर कु चलि गै। क्रेंसकेस भैय त गलातिया प्रदेश कु अर तीतुस भैय दलमतिया प्रदेश कु चलि गै।

2 तीमुथियुस 4:10 Iomraidhean Croise

मत्ती 12:32

अर ठिक उन्‍नि अगर कुई मनखि का पुत्र का खिलाप मा कुछ बोललु, त वेतैं माफी दिये जालि, पर अगर कुई पवित्र आत्मा का खिलाप मा कुछ बोललु, त वेको यू अपराध ना त ये युग मा अर ना ही औण वळा युग मा माफ किये जालु।”

मत्ती 26:56

अर यू सब त इलै ह्‍वे, ताकि रैबर्यों का द्‍वारा लिख्यां वचन पूरा ह्‍वे जा।” फिर यीशु का सब चेला वेतैं छोड़ि के भागी गैनी।

लूका 14:33

अर इन्‍नि तुम मा बटि जु कुई मेरा खातिर अपणी जैजाद तैं छुड़णु खुणि तयार नि हो, उ भि मेरु चेला नि ह्‍वे सकदु।”

लूका 16:13

“अर कुई भि नौकर दुई मालिकों की सेवा नि कैरी सकदु, किलैकि अगर वु करलु त एक बटि नफरत करलु अर दुसरा बटि प्यार, य त फिर उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।”

लूका 17:32

अर लूत कि घरवळी तैं याद कैरा, कि वींका दगड़ा मा क्या ह्‍वे।

खास चेलों 13:13

यू सब होण का बाद पौलुस अर वेका दगड़्या पाफुस नगर बटि पाणि का जाज मा बैठि के पंफूलिया मुलक का पिरगा नगर मा पौंछिनी। मगर यूहन्‍ना ऊंतैं उखि छोड़ि के यरूशलेम नगर कू ऐ गै।

खास चेलों 15:38

मगर पौलुस वेतैं अपणा दगड़ा मा नि लि जाण चाणु छौ, किलैकि मरकुस पंफूलिया मुलक मा ऊंतैं छोड़ के चलि गै छौ, अर सेवा का काम मा ऊंको साथ नि दिनी।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 17:1

अर जब पौलुस अर सीलास लुदिया जनानि का इख बटि निकळिनी, त ऊ दुईया का दुई अम्फिपुलिस अर अपुल्‍लोबनिया नगरों बटि ह्‍वेके थिस्सलुनीकी नगर मा ऐनी। अर उख यहूदी लोगु को एक प्रार्थना भवन छौ।

खास चेलों 17:11

बिरीया नगर का यहूदी लोग थिस्सलुनीकी नगर का यहूदी लोगु से भौत जादा भला छा। अर यों लोगु न परमेस्वर का वचन तैं बड़ी इच्छा से स्वीकार कैरी, अर हर दिन पवित्रशास्‍त्र मा खुज्याणा रैनी कि जु कुछ भि पौलुस बतौणु च वु सब बात इन्‍नि लिखीं छैई भि छिन, कि ना।

खास चेलों 17:13

और जब थिस्सलुनीकी नगर का यहूदी लोगु तैं इन पता चलि कि, पौलुस बिरीया नगर मा भि परमेस्वर का वचन को परचार कनु च, त यों यहूदी लोगु न इख ऐके दंगा मचौण, अर लोगु तैं उकसौणु शुरु कैरी दिनी।

खास चेलों 18:23

अर उ कुछ दिनों तक अन्ताकिया नगर मा ही रै, फिर उख बटि निकळि के गलाति अर फ्रूगिया मुलकों का बिस्वासी लोगु तैं ऊंका बिस्वास मा मजबूत कनु रै।

2 कुरिन्थि 2:13

पर जब मिन अपणा दगड़्या तीतुस तैं उख नि पै, त मेरु मन बड़ु बेचेन ह्‍वे गै। तब मिन उखा बिस्वासी भै-बैंणो बटि विदै लिनी, अर मकिदुनिया मुलक कू चलि ग्यों।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

2 कुरिन्थि 8:23

अर अगर तीतुस भै का बारा मा कुई भि सवाल च, त मि तुमतै बतै देन्दु कि वु मेरु मददगार च अर सेवा का काम मा इमानदार मनखि। अर वेका दगड़ा मा जु दुई भै औणा छिन ऊ बिस्वासी समुदाय का लोगु का द्‍वारा भिजे जाण छिन। अर यू दुईया का दुई यीशु मसीह की सेवा का द्‍वारा वेतैं आदर-सम्मान देन्दिन।

2 कुरिन्थि 8:6

इलै हमुन तीतुस भै तैं जैन ये दान तैं इकट्‍ठा करण को काम तुमरा बीच मा शुरु कैरी छौ, मिन वेसे बिन्ती कैरी कि वु फिर से तुमरा बीच मा ऐके वेतैं पूरु कैरो।

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

1 तीमुथियुस 6:10

किलैकि पैसौं को लालच सब बुरै की जड़ च, अर येतैं कमाण खुणि कुछ लोग बिस्वास का बाटा बटि भटकी गैनी, अर अफ पर बन्‍नि-बन्‍नि किसमो का दुखों तैं लेके ऐनी।

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

2 तीमुथियुस 4:16

अर जब पैलि दौं रोम देस मा मेरु न्याय करण खुणि मितैं कचैरी मा खड़ु किये गै छौ, त मितैं बचौणु खुणि कैन भि गवै नि देई, किलैकि सब लोग मितैं छोड़ के चलि गै छा। मगर फिर भि मेरु प्रभु मेरा दगड़ा मा छौ अर वेन मितैं ताकत देई, ताकि मि शुभ समाचार का परचार तैं पूरु कैर सैकु, अर जु लोग यहूदी जाति का नि छिन ऊं सभ्यों तैं शुभ समाचार सुणो। अर परमेस्वर न मितैं मौत का गिच्‍चा बटि बचै, अर मि इन प्रार्थना करदु कि जु लोग मितैं छोड़ि के चलि गै छा, परमेस्वर ऊंतैं माफ कैरो।

तीतुस 1:4

अर तीतुस या चिठ्‍ठी मि त्वे खुणि लिखणु छौं, किलैकि हम दुईया का दुई एक ही प्रभु पर बिस्वास करद्‍यां। इलै तू मेरा सच्‍चा नौना का जन छैई। अर मि प्रार्थना करदु कि, पिता परमेस्वर अर हमतै बचौण वळा प्रभु यीशु मसीह की किरपा अर शान्ति त्वेतै मिलु।

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

2 पतरस 2:15

यू लोग अब सीदा बाटा तैं छोड़ि के भटकी गैनी। यू लोग बओर का नौना बिलाम का जन काम कना छिन, बिलाम जैन बुरै की कमै तैं खूब माणी छौ।