2 तीमुथियुस 2:9 - Garhwali

⁹ अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

गढवली नयो नियम

⁹ किलैकि मि शुभ सन्देश कु प्रचार करदो, इलै मि एक कैदी जन जीवन ज्यूंणु छो; पर पिता परमेश्वर का शुभ संदेश तैं कुई भि फैलांण से रोकि नि सकद।

2 तीमुथियुस 2:9 Iomraidhean Croise

लूका 23:32

अर यीशु का दगड़ा जान से मरणु खुणि दुई और अपराधियों तैं लेके गैनी।

खास चेलों 21:33

तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

खास चेलों 28:31

अर बिना रुकावट उ, परमेस्वर का राज को परचार बड़ी हिम्मत से करदु छौ, अर प्रभु यीशु मसीह का बारा मा लोगु तैं सिखौणु रौन्दु छौ।

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।

फिलिप्पी 1:17

मगर कुछ लोग भला इरादा से मसीह का बारा मा नि सुणौन्दिन, पर विरोध की इच्छा रखी के परचार को यू काम करदिन, अर ऊंतैं इन लगदु कि इन कैरिके वु मितैं ईं कैद मा दुख दे सकदिन।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।

कुलुसी 4:18

अर मि पौलुस जु कि इख बेड़ियों मा बन्धयूं छौं खुद अपणा हाथळ तुम खुणि सलाम लिखणु छौं, तुम मितैं अपणी प्रार्थनाओं मा याद रख्यां। अर मि इन प्रार्थना करदु कि प्रभु की किरपा तुम पर होणी रौ। आमीन।

कुलुसी 4:3

अर येका दगड़ा-दगड़ि हम खुणि इन प्रार्थना कैरा, ताकि हमतै इन मौका मिलु कि हम पिता परमेस्वर का वचन तैं लोगु का बीच मा और भि जादा फैले सैका। अर हम यीशु मसीह का वे राज का बारा मा बतै सैका, जैका खातिर आज मि कैद मा छौं,

1 थिस्सलुनीकी 1:8

अर इन ह्‍वे, कि तुमरा इख बटि प्रभु का वचन की चर्चा ना केवल मकिदुनिया अर अखया का मुलक मा फैली, बल्किन मा सब जगा का लोगु तैं इन भि पता चलि गै कि तुमरो परमेस्वर पर कथगा बिस्वास च। इलै हमतै कुछ भि बोन्‍ने की जरुरत नि च।

2 थिस्सलुनीकी 3:1

हे मेरा भै-बैंणो, आखिरी मा हम तुमकु इन भि बुल्द्‍यां, कि हम खुणि प्रार्थना कर्यां ताकि जन तुम लोगु का बीच मा परमेस्वर को वचन फैली, ठिक उन्‍नि दुसरा लोगु का बीच मा भि परमेस्वर को वचन जल्दी-जल्दी परचार किये जौ। अर वे वचन तैं सुनण वळा बड़ा आदर-सम्मान बटि वेतैं स्वीकार कैरा।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

2 तीमुथियुस 1:16

अर मि प्रार्थना करदु, कि उनेसिफुरुस का घौर मा रौण वळा सब लोगु पर परमेस्वर कि दया हो, किलैकि जब मि बेड़ियों मा कैद होयुं छौ, तब उ मितैं मिलण से नि सरमै। पर उ बार-बार मितैं मिलणु कू ऐ अर वेन मेरी हिम्मत भि बढै।

2 तीमुथियुस 1:8

इलै तीमुथियुस एक-दुसरा तैं हमरा प्रभु यीशु का बारा मा बतौण खुणि सरम मैसूस नि कैर। अर मि प्रभु का काम का बानो जेलखाना मा छौं, इलै मि बटि मिलणु खुणि भि सरम मैसूस नि कैर, पर शुभ समाचार का परचार करणु खुणि परमेस्वर की दिईं ताकत से दुख-तकलीफ झिलणु खुणि मेरा दगड़ा मा तयार रौ।

2 तीमुथियुस 2:3

अर यीशु मसीह का एक अच्छा सिपै का जन मेरा दगड़ा मा दुख भोग।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

1 पतरस 2:14

अर सासन करण वळो का भि किलैकि वु बुरा काम करण वळो तैं दण्ड देण खुणि, अर अच्छा काम करण वळो की तारीफ करणु खुणि ठैरयां छिन।

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

1 पतरस 4:15

अर तुमतै इन्द्रया काम नि करण चयेणा ज्या से कि कुई तुम पर दोष लगौ जन कि, हत्या करण, चोरी करण, या बुरै का काम अर ना ही दुसरा लोगु का कामों मा दखल द्‍या।