2 तीमुथियुस 2:7 - Garhwali7 अर मेरी यों बातों पर ध्यान दे, अर प्रभु सब बातों तैं बिंगण मा तेरी मदद करलु। Faic an caibideilगढवली नयो नियम7 जु मि बुल्ण छौं वे पर ध्यान दे, अर प्रभु त्वे तैं यूं सभि बातों तैं समझण मा मदद कैरो। Faic an caibideil |
2 तीमुथियुस 2:7
40 Iomraidhean Croise
इलै हे मेरा भै-बैंणो, कुछ और बात भि छिन जु की सच्चि अर सोच-विचार करण का लैख छिन, अर यू वु बात छिन जु कि साफ अर पवित्र छिन अर यों बातों बटि प्यार किये जान्दु, अर यू खुश कैर देण वळी छिन, अर यों मा हरेक किसम का गुण पये जनदिन, अर यों बातों की तारीफ किये जान्दी, अर यू वु बात छिन जौं पर लगातार तुमतै अपणु ध्यान लगौण चयेणु।
अर ईं बात मा कुई सक नि च कि आसीस देण वळु हमेसा आसीस पौण वळा से बड़ु होन्दु। अर तुम हमरि ईं बात पर ध्यान द्या, कि वु मनखि कथगा महान रै होलु जैतैं पितर अब्राहम न अपणी जीत का समान मा बटि दसुं हिस्सा दिनी। अर वे बगत मा पितर अब्राहम न बिना कै नियम-कानून तैं जणयां ही अपणु दसुं हिस्सा वेतैं दिनी, अर वेका बदला मा मलिकिसिदक पुरोहित बटि खुद खुणि आसीस पै, जौं को करार पिता परमेस्वर न पितर अब्राहम का दगड़ा मा कर्युं छौ। अर जब मलिकिसिदक पुरोहित की मुलाकात पितर अब्राहम का दगड़ा मा ह्वे छै, त वे बगत मा पितर लेवी को जनम नि ह्वे छौ। अर लेवी त पितर अब्राहम को नाति को नौनु च, अर वेका वंश मा पैदा होण वळा सब आदिम पुरोहित को काम करदिन अर वु आम लोगु बटि दसुं हिस्सा तैं पौनदिन। अर जब लेवी अर वेका वंश का लोग पुरोहित को काम करदिन, त वु लोग मूसा का दियां नियम-कानून का मुताबिक ज्यून्दा परमेस्वर का लोगु से दसुं हिस्सा लेन्दिन, जब कि दुसरा आम लोग भि पितर अब्राहम का वंश मदि ही छिन। अर ईं बात का मुताबिक इन बुले जै सकदु, कि लेवी नौ का मनखि न खुद वु दसुं हिस्सा मलिकिसिदक पुरोहित तैं दिनी। जब कि लेवी को जनम त भौत बाद मा ह्वे छौ अर मलिकिसिदक पुरोहित को लेवी का वंश से कुई लेण-देण नि च। अर जख तक लेवी का वंश का लोगु की बात च त यू वु लोग छिन जौं तैं आम लोगु का द्वारा दसुं हिस्सा दिये जान्दु, मगर येतैं पौण वळा सब लोग एक बगत का बाद मोरि जनदिन मगर पवित्रशास्त्र का मुताबिक मलिकिसिदक पुरोहित बणयूं रौन्दु।
Sanasan