2 तीमुथियुस 2:2 - Garhwali

² अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

गढवली नयो नियम

² अर जु बात तिल भौत सैरा गवाहों का संमणी मि बट्टी सुंणिनि ऊं तैं विश्वास का लैख लुखुं मा सौंपी दे जु दुसरों तैं भि सिखौंण मा काबिल हूंनु।

2 तीमुथियुस 2:2 Iomraidhean Croise

मत्ती 13:52

तब वेन ऊंतैं बतै कि, “हरेक शास्‍त्री तैं परमेस्वर का राज की शिक्षा मिली च, अर ऊ घौर का मालिक का जन छिन, जु कि अपणा कुठार बटि नई अर पुरणि चीजों तैं निकळदिन।”

मत्ती 24:25

अर सुणा, यू सब कुछ मिन तुमतै पैलि ही बतैयालि।

लूका 12:42

तब यीशु न एक और उदारण देके बोलि, “उ वफादार अर अकलमन्द कर्ता-धर्ता कु च? जैको मालिक वेतैं सब नौकरों का मथि एक मुखिया बणौन्दु, ताकि उ ऊंतैं बगत-बगत खाणुक को समान द्‍यो।

1 कुरिन्थि 4:2

अर अगर कै सेवक मा मालिक का द्‍वारा कुई काम सौंपे गै, त वेको यू फरज बणदु कि उ वेकी आज्ञा को पालन कैरो। अर वे सेवक तैं वे काम खुणि भरोसा का लैख बणयूं रौण चयेणु।

2 कुरिन्थि 2:14

अर सबसे पैलि मि पिता परमेस्वर को धन्यवाद करदु जु कि एक नेता की तरौं हमेसा हमरा अगनै-अगनै चलदु, अर वेन हम सभ्यों तैं यू मौका दिनी कि हम वेका पिछनै-पिछनै चला। अर जन इतर कि खुशबु सब जगा फैली जान्दी, ठिक उन्‍नि पिता परमेस्वर हमतै अपणा सच्‍चा ज्ञान का द्‍वारा शुभ समाचार तैं फैलाण मा मदद करदु।

2 कुरिन्थि 3:5

अर मि इन नि बोन्‍नु छौं कि यू सब कुछ हम अपणी ताकत से करद्‍यां, बल्किन मा यू त पिता परमेस्वर ही च जु की हमतै ताकत देन्दु कि हम यू काम कैरी सैका।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

1 तीमुथियुस 1:12

मि हमरा प्रभु मसीह यीशु को धन्यवाद करदु, जैन मितैं मजबूत बणै। किलैकि वेन मितैं बिस्वासयोग्य समझि के अपणी सेवा करणु खुणि ठैरै।

1 तीमुथियुस 1:18

हे मेरा नौना तीमुथियुस, तू बिस्वास मा मजबूत बणयूं रौ। अर तिन परमेस्वर खुणि जु-जु काम करण छिन, वेका बारा मा भौत सा रैबर्यों न भविष्यबाणियाँ करिनी। अर जु कुछ भि ऊंका द्‍वारा बुले गै ऊंका मुताबिक ही मि त्वेतै आज्ञा देन्दु, कि तू एक सिपै की तरौं झूठ्‍ठा गुरु लोगु की शिक्षा का खिलाप एक अच्छी लड़ै कैर। अर सच्‍चा मन से अर बिस्वास रखी के इन्‍नि कनु रौ, किलैकि कुछ लोग न सच्‍चा मन का विचारों तैं नाकारियाली। फिर जन समुन्दर मा जाज टूटी के नास ह्‍वे जान्दु, ठिक उन्‍नि ऊंका बिस्वास को भि नास ह्‍वे गै।

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

1 तीमुथियुस 4:6

हे तीमुथियुस, अगर तू यों सब बातों तैं परमेस्वर पर बिस्वास करण वळा भै-बैंणो तैं सिखैली, त तू यीशु मसीह को एक अच्छु चेला ठैरीलि। अर जु बिस्वास का वचन अर अच्छी शिक्षा तैं तू अब तक मणदी छैई, वेमा तू बढणी रैलि।

1 तीमुथियुस 5:22

अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।

1 तीमुथियुस 6:12

अर बिस्वास का बाटा बटि भटकी नि जै, बल्किन मा कड़ी मेनत कैर। अर वे ही बिस्वास तैं तिन भौत सा लोगु का समणि कबूल कैरी छौ। अर कखि सदनि का जीवन तैं ख्वे नि दे, ज्यां खुणि परमेस्वर न त्वेतै बुलयूं च।

2 तीमुथियुस 3:10

प्रिय तीमुथियुस, तू मेरा चाल-चलन, मेरा मकसद, अर मेरा बिस्वास का बारा मा जणदी ही छैई। अर मि कन्द्रयो प्यार करदु, अर मेरी सौणे की ताकत, अर मेरा सबर रखण का बारा मा त्वेतै पता ही च। अर तू इन भि जणदी छैई, कि लोगु न मितैं सतै अर कन-कन दुख-तकलीफ दिनी।

2 तीमुथियुस 3:14

पर तीमुथियुस जथगा भि बातों तैं तिन सिखी अर ऊं पर बिस्वास कैरी, ऊं सब बातों पर अगनै भि बिस्वास कनु रौ। किलैकि तू अच्छी तरौं से जणदी कि यू सब बात त्वेतै कैन सिखैनी।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।