2 तीमुथियुस 2:19 - Garhwali

¹⁹ तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

गढवली नयो नियम

¹⁹ पिता परमेश्वर का लोग एक बुनियाद का जन छिनी, जु हिलदी नि च, यांका बारा मा “प्रभु जंणदु च कि वेका लोग कु छिनी” अर यु भि की “जु कुई पिता परमेश्वर की आराधना करद वे तैं बुरै कन बंद कैर दींण चयणु च।”

2 तीमुथियुस 2:19 Iomraidhean Croise

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

मत्ती 7:23

तब मिन ऊं लोगु कू साफ-साफ बोलि देण, ‘हे कुकर्मी लोगु, मिन तुमतै कभि नि जाणि मेरा समणि बटि निकळि जा।’

मत्ती 7:25

अर बाद मा भौत खतरनाक बरखा ह्‍वे अर तूफान भि ऐ, इख तक की गाड-गदिना ऐ गैनी, अर यू सब वे घौर पर टक्‍करैनी पर वु घौर फिर भि नि टूटी किलैकि वेकी बुनियाद पौड़ पर रखी छै।

मरकुस 12:16

तब वु लोग वेका पास चांदी को एक सिक्‍का लेके ऐनी। अर यीशु न ऊंतैं पूछी, “यां पर कै की छाप अर कै को नौ लिख्यूं च?” अर ऊंन बोलि, “रोमी महाराज को।”

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।

लूका 13:27

पर उ तुमकु बोललु कि, ‘मि तुमतै नि जणदु कि तुम कखा छाँ, इलै हे अधरमी लोगु, मेरा समणि बटि दूर ह्‍वे जा।’

लूका 6:48

उ वे मनखि का जन च, जैन घौर बणौण का बगत जमीन गैरी खैंडि के वेकी बुनियाद पौड़ पर रखी। अर जब गाड-गदिना ऐ गैनी अर वे घौर पर टक्‍करैनी, तभि भि ऊ वेतैं हिल्‍लै नि सकिनी, किलैकि उ घौर पक्‍कु बणयूं छौ।

यूहन्ना 10:14

“अच्छु चरवाह मि छौं। अर जन पिता मितैं जणदु, अर मि पिता तैं जणदु, ठिक उन्‍नि मि भि अपणी भेड़ों तैं जणदु छौ, अर मेरी भेड़ भि मितैं जणदी छिन।

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

खास चेलों 15:17

ताकि बच्यां लोग अर जु यहूदी जाति का नि छिन, जौं तैं मेरा लोग होणु खुणि चुणै गै वु सब प्रभु तैं खुज्या।

खास चेलों 9:14

इख तक कि अब मुख्य पुरोहितों न भि वेतैं इन अधिकार दियाली, कि जथगा भि लोग तुम पर बिस्वास करदिन ऊंतैं बन्धी बणै के लौ।”

रोमियों 11:2

परमेस्वर न अपणी परजा का लोगु तैं नि छोड़ि, किलैकि वु ऊं लोगु तैं पैलि बटि जणदु। अर क्या तुम नि जणद्‍यां, कि पवित्रशास्‍त्र मा एलिय्याह रैबर्या हमतै क्या बतौन्दु, कि कनकै वेन इस्राएली लोगु का खिलाप मा पिता परमेस्वर से बिन्ती कैरी?

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

रोमियों 15:20

पर मेरा मन कि इच्छा या च कि जख-जख यीशु मसीह का नौ को परचार अभि तक नि ह्‍वे, मि उख-उख जैके शुभ समाचार सुणौ, ताकि कखि इन ना हो कि लोग बोला कि यू त दुसरा लोगु का कर्यां काम मा अपणु हक दिखाणु च।

रोमियों 15:9

अर वेन यू काम इलै भि कैरी, ताकि जु लोग यहूदी जाति का नि छिन, ऊ भि पिता परमेस्वर की बडै कैरी सैका, किलैकि वु सब लोगु पर अपणी दया करदु। अर पवित्रशास्‍त्र मा भि इन्‍नि लिख्यूं च कि, “मि जाति-जाति का लोगु का बीच मा तुमरो धन्यवाद करलु, अर तुमरा नौ का भजन गौलु।”

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 9:11

मगर दुई जौंळ्या बच्‍चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्‍वारा पिता परमेस्वर की योजना बणि रौ। अर यू सब त इलै ह्‍वे, ताकि इन साबित ह्‍वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

2 कुरिन्थि 7:1

हे मेरा प्यारा भै-बैंणो, जब हमरा पास पिता परमेस्वर का यू करार छिन, इलै हमतै अपणु जीवन पवित्र बणै के रखण चयेणु, अर हम इन्द्रयो कुछ भि नि कैरा ज्यां से कि वेतैं घिण औन्दी। अर हमतै परमेस्वर पर अपणी पूरि सरदा रखी के एक पवित्र जीवन जीण की पूरि कोसिस करण चयेणी।

गलातियों 4:9

पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

इफिसुस 2:20

तुम लोग एक मन्दिर छाँ। अर जु लोग खास चेला अर परमेस्वर का रैबर्या छिन, वु वेकी बुनियाद छिन। अर ये मन्दिर का कुणों को ढुंगो खुद यीशु मसीह च।

इफिसुस 4:30

अर परमेस्वर की पवित्र आत्मा तैं अपणा चाल-चलन से दुख नि द्‍या, किलैकि पवित्र आत्मा देके परमेस्वर न तुम पर अपणी मोर लगईं च, ताकि छुटकारा का दिन पर तुमतै छुडयै जौ।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

इब्रानी 11:10

अर अब्राहम बिस्वास रखी के एक इन नगर को इंतजार कनु छौ, जु स्वर्ग मा च जैतैं कुई नास नि कैर सकदु, किलैकि वेतैं रचण अर बणाण वळु खुद परमेस्वर छौ।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

1 यूहन्ना 2:19

असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।

दिब्य दरस 17:8

अर जु दैंत तिन देखि, पैलि उ ज्यून्द छौ पर अब वु मोरि गै, मगर उ फिर से ज्यून्द ह्‍वेके अधलोक बटि निकळि के आलु, अर वेको नास फिर से ह्‍वे जालु। अर धरती पर रौण वळा जौं लोगु का नौ दुनियां की शुरुवात बटि जीवन की किताब मा नि लिख्यां छिन, वु सब लोग वे दैंत का दगड़ा मा जु कुछ भि ह्‍वे देखि के बड़ु ताजुब करला।

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 21:14

अर ये नगर की दिवाल बारह बुनियादो पर खड़ि छै, अर ऊं पर यीशु का बारह खास चेलों का नौ लिख्यां छा।

दिब्य दरस 22:4

अर वु परमेस्वर तैं अपणा समणि दिखला अर वेको नौ ऊंका माथा पर लिख्यूं होलु।

दिब्य दरस 3:8

“मि तुमरा कामों तैं जणदु छौं। अर देख, मिन तुमरा समणि एक द्‍वार खोली के रख्युं च जैतैं कुई बन्द नि कैरी सकदु, हालांकि तुमरि ताकत कम च, पर फिर भि तुमुन मेरा वचन को पालन कैरी अर मेरा नौ तैं नि नकारी।